Emiọvwọn, Ovwan Vwẹ Ukẹcha kẹ Emọ rẹ Ovwan Vwo Phikparobọ

Esẹ vẹ ini re dia egọghẹnẹ guọnọ nẹ emọ rayen dia idibo rẹ Jihova re fuevun kẹ. Emiọvwọn sa chọn emọ rayen uko vwo ru ọtiọyen siẹrẹ ayen da vwẹ iyono rẹ Baibol vwo yono emọ na notọ rhe. (Urhi 6:7; Isẹ 22:6) Ọnana guọnọ omaevwoze? Dẹn! Ẹkẹvuọvo omavwerhovwẹn yen che norhe.​—3 Jọn 4.

Emiọvwọn se yono vwo mie Josẹf vẹ Meri. Dede nẹ ọ guọnọ owian ọgangan vẹ igho, “kukpe kukpe [yen ayen] vwo kpo Jerusalẹm vwọ kẹ orẹ rẹ Ẹwanvrẹn na.” (Luk 2:41) Ayen niro nẹ ọ pha ghanghanre rẹ orua rayen vwo sikẹre Jihova. Emiọvwọn je sa kpọ emọ phiyọ idjerhe esiri nonẹna womarẹ ayen vwọ reyọ kuphẹn kuphẹn vwo yono emọ rayen vwọrẹ ota vẹ uruemu.​—Une 127:3-5.

NI IVIDIO NA AYEN NI UPHẸN VUỌVO KUẸROFIA-A, RERE WỌ KPAHENPHIYỌ ENỌ NANA:

• Idjerhe vọ yen Jon vẹ Sharon Schiller vwọ vwẹ ẹga rẹ Jihova kobaro vwẹ orua rayen?

• Diesorọ o vwo fo nẹ emiọvwọn vwẹ odjekẹ, uyono kugbe ọkpọvi vwọ kẹ emọ rayen vwo nene ọdavwẹ rẹ ọmọ ọvuọvo?

• Idjerhe vọ yen emiọvwọn se vwo muegbe rẹ emọ rayen hẹrhẹ edavwini rẹ ayen che hirharoku obaro?

• Vwẹ usun rẹ ekuakua rẹ ukoko na vwọ phia, ọvọ yen wọ reyọ vwọ chọn emọ wẹn uko vwọ dia igbeyan rẹ Jihova re?