Ru Ona Rẹ Aghwoghwo Wẹn Yovwin Phiyọ​—Ghwoghwota kẹ Ohwo Kohwo Rọhẹ Ekogho Wo de Ghwoghwo

OBORESORỌ Ọ VWỌ GHANRE: Zekaraya mraro nẹ ihwo vwo nẹ ejajẹ na ejobi cha kerhọ vwọ kẹ iyẹnrẹn esiri na. (Zek. 8:23) Ẹkẹvuọvo ono yen che yono ayen? (Rom 10:13-15) Avwanre vwo uphẹn vẹ oghwa re vwo ghwoghwo iyẹnrẹn esiri na kẹ ohwo kohwo rohẹ ekogho rẹ avwanre de ghwoghwo.​—od 84 ẹko. 10-11.

OBO RE CHE RUO WAN:

• Muegbe. Wọ mrẹ ihwo re jẹ ejajẹ ọfa vwẹ ekogho wo de ghwoghwo? Wọ sa reyọ aplikeshọni rẹ JW Language vwo yono obo re ghwoghwota kẹ ihwo vwẹ ejajẹ yena. Yẹrẹ wọ sa vwẹ ifonu wẹn vwo dje kẹ ohwo na obo rọ sa vwọ mrẹ evuẹ efa vwẹ ejajẹ rọyen vwẹ jw.org

• Gbẹrophiyotọ. Wo de ru aghwoghwo rẹ nuwevwin kpo uwevwin, wo jẹ uphẹn rẹ wo vwo ghwoghwota kẹ ihwo re wan vrẹ, eriyin ji te ihwo re hẹrhẹ vwevunrẹ imoto va wẹ abọ-ọ. Ọ da dia aghwoghwo azagba yen wo ruẹ, jẹ ọdavwẹ wẹn dia oborẹ wo se vwo ghwoghwota kẹ ihwo

• Nabọ ruiruo wẹn fiotọ. Davwẹngba vwo rhivwin bru ihwo ru wọ vware vwẹ uvwevwin ẹsosuọ-ọ ra. Davwẹngba wo vwo ghwoghwota kẹ ohwo vwẹ uwevwin kuwevwin, vwẹ ẹdẹ sansan rẹ udughwrẹn na. Ọ sa dianẹ womarẹ ifonu, ileta, yẹrẹ aghwoghwo rẹ urhuvwun yen e se vwo ghwoghwota kẹ ihwo evo

• Rhivwin bru ihwo na ra. Fobọ rhivwin bru ihwo ri dje omavwerhovwẹn phia. Ọ da dianẹ ohwo na jẹ ejajẹ ọfa, gba guọnọ ohwo ro muwan ro se yono vwẹ ejajẹ rọyen. Rhivwin bru ohwo na ra bẹsiẹ wọ cha vwọ mrẹ oghwoghwota rọ jẹ ejajẹ rọyen.​—od 94 ẹko. 39-40

HWORO IVIDIO RẸ AGHWOGHWO RE RUẸ “RE TE OBA RẸ AKPỌ NA,” RERE WỌ KPAHENPHIYỌ ENỌ NANA:

• 

  Egbe vọ yen iniọvo na muru rere ayen se vwo ghwoghwota kẹ ihwo re dia asan oshesheri? (1 Kọr. 9:22, 23)

• 

  Egbabọse vọ yen ayen phikparobọ?

• 

  Ebruphiyọ vọ yen ayen mrẹre?

• Die wo se ru, wo vwo ghwoghwota kẹ ihwo buebun vwẹ ekogho wo de ghwoghwo?