Chọn Emọ Wẹn Uko Vwo Vwo Esegbuyota ro Phieghe-e Kpahen Ọmemama Na

Emama ghwoghwo urinrin rẹ Jihova. (Une 19:​1-4; 139:14) Ẹkẹvuọvo akpọ na titi iyono ri shekpahen asan rẹ arhọ da tonphiyọ ri dje ọghọ phia kẹ Ọghẹnẹ-ẹ. (Rom 1:​18-25) Mavọ wọ sa vwọ vwẹ ukẹcha kẹ emọ wẹn rere ayen vwo jẹ esegbuyota e vwo kpahen iyono tiọyena? Vwẹ ukẹcha kẹ ayen vwo nẹ ọke emọ rhe vwo vwo imuẹro nẹ Jihova herọ, nẹ ọyen re vwẹrote ayen. (2 Kọr. 10:​4, 5; Ẹfe. 6:16) Davwen re wọ riẹn iroro rayen kpahen obo re yono ayen vwẹ isikuru rere wọ reyọ ekuakua buebun rẹ avwanre vwori vwọ chọn ayen uko.​—Isẹ 20:5; Jems 1:19.

HWORO IVIDIO NA, OBORẸ EDJE WẸN TARE​—IMUẸRO KPAHEN ỌGHẸNẸ, RERE WỌ NỌ ENỌ NANA:

• Die yen ihwo ta kpahen esegbuyota kpahen Ọghẹnẹ?

• Die yen e yono vwẹ isikuru wẹn?

• Die yen kẹ wẹ imuẹro nẹ Jihova herọ?

• Mavọ yen wọ sa vwọ vwẹ ukẹcha kẹ ohwo vwọ riẹn nẹ Ọghẹnẹ yen ma erọnvwọn eje?