Iniọvo eya re vwẹ ibroshọ rẹ Iyẹnrẹn Esiri na vwo ruiruo vwẹ Madagascar
Ona re se Vwo Phi Ayen Phiyọ Ada
UWEVWIN ORHẸRẸ
Onọ: Wo rorori nẹ akpọ na che yovwin siẹrẹ ihwo eje da vwẹ uyono nana vwọba akpọ yerin?
Ẹkpo rẹ Baibol: Hib. 13:18
Obo wọ cha ta: Baibol na vuẹ avwanre nẹ avwanre dia ihwo rẹ uyota vwẹ kemu kemu. Ọtiọyena, a vwọ dia ohwo rẹ uyota churobọ si ẹdia eje vwẹ akpeyeren rẹ avwanre. Ọyena yen uyovwinrota rẹ Uwevwin Orhẹrẹ nana.
UWEVWIN ORHẸRẸ (obuko ọbe na)
Onọ: Me guọnọ riẹn obo wo rorori kpahen onọ nana. [Se onọ rẹsosuọ na.] Ihwo evo vwo esegbuyota nẹ ohwo de ghwu nu, ko kpo asan ọfa de re yerin, efa rorori nẹ ughwu yen oba rẹ akpeyeren. Die yen wo rorori?
Ẹkpo rẹ Baibol: Aghwo. 9:5
Obo wọ cha ta: Uyovwinrota nana dje oborẹ Baibol na tare kpahen ota nana. Mavọ, wo se se rere avwanre ta ota kpahọn ọkiọfa?
IYẸNRẸN ESIRI RO NẸ OBỌ RẸ ỌGHẸNẸ RHE!
Obo wọ cha ta: Me guọnọ vuẹ wẹ kpahen uyono rẹ Baibol rẹ ọphẹ rẹ avwanre ruẹ. Ibroshọ nana dje asan vwevunrẹ Baibol wẹn wọ da sa mrẹ ẹkpahọnphiyọ vwọ kẹ enọ eghanghanre.
Onọ: Wo se Baibol na jovwo re? Ji mi dje oborẹ iyono na lọhọ te kẹ wẹ vwevunrẹ ibroshọ nana. [Djekpahen onọ 1 vwẹ uyono 2.]
Ẹkpo rẹ Baibol: Ẹvwọ. 4:11
SI ONA ROMOBỌ WẸN
Ru ona romobọ wẹn vwo nene idje na.