Ọ Guọnọ Egbemuo Rere A Savwọ Ton Ona rẹ Uyono

Ọ da havwen mamọ, abọ ivẹ yen a nọ Jesu onọ ro shekpahen arhọ ri bẹdẹ, ẹkẹvuọvo, ọ kpahenphiyọ enọ na vwo nene ọdavwẹ rẹ ihwo re nọ rọ. (Luk 10:​25-28; 18:​18-20) Ọtiọyena, dede nẹ avwanre nabọ riẹn ọbe rẹ avwanre vwo yono ihwo na mamọ, ofori nẹ avwanre ji muegbe phiyotọ vẹ ohwo rẹ avwanre yono na vwẹ ẹwẹn. Ẹkpo vọ yen sa dia bẹnbẹn kẹ? Ẹkpo ri Baibol vọ yen ofori nẹ avwanre se? Bro ẹkoreta yen ofori nẹ avwanre yono? Avwanre se muegbe rẹ udje, odjefiotọ, yẹrẹ enọ re sa chọn ohwo na uko vwo vwo ẹruo rẹ uyono na. Vwoba, rọvwọ dianẹ Jihova yen nẹrhẹ okankọn na djẹ vwẹ ubiudu rẹ ihwo na, ọke avwanre de che muegbe rẹ uyono na, ofori nẹ avwanre nẹrhovwo rhe Jihova vwọkẹ ebruphiyọ kpahen uyono na, ohwo rẹ avwanre che yono na, vẹ ẹgbaẹdavwọn rẹ avwanre vwọ chọn ohwo na uko wọ yan obaro vwẹ erianriẹn rọyen.​—1 Kọr. 3:6; Jems 1:5.