Revwo Ruẹ Ona rẹ Aghwoghwo rẹ Avwanre Yovwẹn Phiyọ​—⁠Revwo Ghwoghwo kẹ Ohwo rọ jẹ Ejajẹ Ọfa

Oboresorọ Ọ Vwọ Ghanre: Jihova vwo ọdavwẹ kpahen ẹga rẹ ihwo “vwẹ ẹgborho kẹgborho” vwọ kẹ. (Iruo 10:​34, 35) Kọyen sorọ Jesu vwọ tanẹ e che ghwoghwo iyẹnrẹn esiri na vwẹ “akpọ na ejobi” vwọkẹ “ẹgborho na ejobi.” (Mat. 24:14) Zekaraya mraro nẹ ihwo ri “nẹ ẹgborho rẹ ephẹrẹ kephẹrẹ rhe” cha kerhọ rẹ aghwoghwo na. (Zek. 8:​23) Emramrẹ rẹ ọyinkọn Jọn djephia nẹ ihwo “ri nẹ ẹgborho kẹgborho rhe, rẹ orua ejobi kugbe ihwo kugbe ephẹrẹ rhe” cha vrabọ rẹ ukpokpogho rode na. (Ẹvwọ. 7:​9, 13, 14) Fikirẹ ọtiọyena, avwanre da mrẹ ohwo rọ jẹ ejajẹ ọfa vwẹ aghwoghwo na, avwanre davwẹngba ghwoghwota kẹ.