Ọrhuẹrẹphiyotọ rẹ Udughwrẹn rẹ November 3

Une 79 vẹ Ẹrhovwo

Uyono ri Baibol Rukoko:

cl uyovwin 15 ¶11-​19 (Ibrẹro 30)

Isikuru rẹ Iruo Ruvie Na:

Isese ri Baibol: Urhi Rivẹ 14-​18 (Ibrẹro 10)

Ota 1: Urhi Rivẹ 15:⁠16–​16:8 (Ibrẹro 4 kpotọ)

Ota 2: Oboresorọ Avwanre Vwo Vughe Obo ri Ghini Dia Umwemwu​—⁠rs aruọbe 373 ¶1–​aruọbe 374 ¶1 (Ibrẹro 5)

Ota 3: Ravwọ Dẹ Ọmọ Reyọ​—⁠Ẹro Revwo Ni Uruemu Nana Vwẹ Awanre Kugbe Obo re Ruro Wan Kirobo rẹ Ẹbẹre ra Vwẹ Hibru Si Vwẹ Baibol Na Djerephia​—⁠it-1 aruọbe 50 ¶3-6 (Ibrẹro 5)

Omẹvwa Rẹga Na:

Uyovwinrota rẹ Emeranvwe Na: ‘Ghwoghwo ota na vẹ ẹwẹn rẹ okpakpa.’​—2 Tim. 4:2

Une 103

Ibrẹro 10: Vwẹ Ukẹcha kẹ Imitete Vwo Muegbe rẹ Aghwoghwo. Otaẹtakuẹgbe. Hworo ividio na Dia Ugbeyan Ri Jihova​—⁠E Jẹ e Kpẹ Aghwoghwo. (Rhie jw.org/urh) Nọ imitete na: Amono usun rẹ ovwan na yin vwo ekpu revwo kpẹ ota eghwoghwo? Die yen evunrẹ ekpu wẹn? Die yẹn emu ẹsosuọ ri Sofia phi phiyẹ ekpu rọyen na? Die ọfa ọ je guọnọ? Rọ vwọ rhuẹrẹ ekpu rọyen nu, orọnvwọn ọfa vọ rọ pha ghanghanre ọyẹn ọ vẹ oni rọyen che ru? Jẹ omotete ọvo ru udje rẹ oborẹ o che phi ọbe ọkiọke na phiyẹ ada wan. Yẹrẹ, nọ imitete na enọ nana: Amono usun rẹ ovwan na yin vwo ekpu ra ghwa kpẹ ota eghwoghwo? Ẹbe vọ yin fori nẹ wo phi phiyẹ ekpu wọ ghwa kpẹ ota eghwoghwo? Die yen ofori nẹ wo ru tavwen wọ vẹ ọsẹ wẹn yẹrẹ oni wẹn ki kpẹ ota eghwoghwo? Jẹ omotete ọvo ru udje rẹ oborẹ o che phi ọbe ọkiọke na phiyẹ ada wan.

Ibrẹro 10: Oborẹ Iniọvo Evo Ghwoghwo Ota na vẹ Ẹwẹn Okpakpa. Ọkpako riẹnmie ighwoghwota ivẹ yẹrẹ erha re rhuẹrẹ ọke rayen phiyọ rere ayen se vwo vwobọ vọnvọn vwẹ iruo rẹ aghwoghwo na yẹrẹ iruo rẹ ọkobaro. Vwẹ okuphiyotọ rẹ ota na, rhomafuẹrẹn ọrhuẹrẹphiyotọ rẹ iruo robada, rere wo jiro kẹ iniọvo na nẹ ayen davwẹngba vwo vwobọ vwẹ aghwoghwo na vọnvọn.

Ibrẹro 10: Mavọ Yẹn Iruo-ruvie Wẹn Kpobarophiyọ te? Otaẹtakuẹgbe rẹ oniruo rọvwẹrote iruo rẹga na cha ta. Nọ otu na kpahen oborẹ ẹkpo sansan rẹ uyovwinrota “Revwo Ruẹ Ona rẹ Aghwoghwo Ravwanre Yovwẹn Phiyọ” vwẹ ukẹcha kẹ ayen vwo kpobarophiyọ vwẹ ẹdia sansan rẹ iruo-ruvie rayen. Vwẹ okuphiyotọ, jiro kẹ otu na nẹ ayen ra vwẹ iroroẹjẹ nana vwo ruiruo ayen sevwo ghwoghwo vẹ ẹwẹn rẹ okpakpa.

Une 100 vẹ Ẹrhovwo