Die Yen Baibol Na Tare?

“Oba rẹ ẹdẹ na” yen avwanre de yerẹn na?

Die wọ cha ta?

• E

• Ẹjo

• Ọkiọvo

Oborẹ Baibol na tare

“Vwẹ oba rẹ ẹdẹ na ẹdẹ ebrabra cha rhe.” (2 Timoti 3:1) Aroẹmrẹ rẹ Baibol kugbe erọnvwọn re phia asaọkiephana djerephia nẹ “oba rẹ ẹdẹ na” yen avwanre hepha na.

Die ọfa yen Baibol na se yono avwanre?

• Ifovwin, owẹnvwe, etọ re bẹrẹ, kugbe ọga, enana erọnvwọn re cha phia ra vwọ riẹn nẹ ẹdẹ rẹ oba na yen avwanre hepha na.​—Matiu 24:3, 7; Luk 21:11.

• Vwẹ ọke rẹ oba na, omamọ rẹ uruemu kugbe oyerinkugbe rẹ ihworakpọ vẹ Ọghẹnẹ che shekpotọ mamọ.​—2 Timoti 3:2-5.

Die yen cha phia vwẹ obaro na?

Ihwo evo vwo imuẹro nẹ . . . vwẹ oba rẹ akpọ na, otọrakpọ na kugbe ihwo re dia evun rọyen cha ghwọrọ kufia, efa rhẹro rọyen nẹ erọnvwọn che yovwinphiyọ. Die wo rorori?

Oborẹ Baibol na tare

“Ọvwata cha re ughwẹ rẹ otọ na, kọ dia enu rọye bẹdẹ.”​—Une Rẹ Ejiro 37:29.

Die ọfa yen Baibol na se yono avwanre?

• Vwẹ oba rẹ akpọ na, e che si irumwemwu ejobi no.​—1 Jọn 2:17.

• Otọrakpọ na che hirhephiyọ iparadaisi.​—Aizaya 35:1, 6.