Die Yen Baibol Na Tare?
Die yen Uvie rẹ Ọghẹnẹ?
IHWO EVO VWO IMUẸRO nẹ o mudiaphiyọ odjuvwu; ihwo efa roro nẹ ẹgbaẹdavwọn rẹ ohworakpọ yen sa ghwa ufuoma vẹ oyerinkugbe rhe akpọeje. Die wo rorori?
OBORẸ BAIBOL NA TARE
“Ọghẹnẹ rẹ odjuvwu na cha vwẹ uvie ọvo mu, ra sa guọghọ-ọ. . . . Ọ cha guọghọ ivie [ihworakpọ] nana ejobi ibribro ọ me vwẹ ayen te oba.” (Daniẹl 2:44) Uvie rẹ Ọghẹnẹ, ọyen usuon rọ herọ dẹn.
ERỌNVWỌN EFA RE SE YONO NẸ BAIBOL NA RHE
Uvie rẹ Ọghẹnẹ che sun nẹ odjuvwu rhe. —Matiu 10:7; Luk 10:9.
Ọghẹnẹ cha vwẹ Uvie na vwo ru ọhọre rọyen gba vwẹ odjuvwu kugbe otọrakpọ na.—Matiu 6:10.
Ọke vọ yen Uvie rẹ Ọghẹnẹ na cha vwọ rhe?
DIE WỌ CHA TA?
Ohwo vuọvo riẹnre-e
Kẹrẹkpẹ
Ọ cha rhe kakaka-a
OBORẸ BAIBOL NA TARE
“Ka cha ta ota rẹ iyẹnrẹ esiri na wan akpọ na ejobi, rere ọ vwọ dia iseri kẹ ẹgborho na ejobi: tavwe rẹ oba na ki rhi te.” (Matiu 24:14) Siẹrẹ a da nabọ ghwoghwo iyẹnrẹn esiri na nu, Uvie na ko phi oba phiyọ akpọ umwemwu nana.
ERỌNVWỌN EFA RE SE YONO NẸ BAIBOL NA RHE
O vwo ohworakpọ vuọvo rọ riẹn ọke rẹ Uvie rẹ Ọghẹnẹ cha vwọ rhe-e.—Matiu 24:36.
Aroẹmrẹ rẹ Baibol na djerephia nẹ Uvie na cha rhe kẹrẹkpẹ.—Matiu 24:3, 7, 12.