Mamọ Rẹ Ọke Cha Vwẹ Obaro Na!
“Ọmọke krẹ, oruimwemwu gbe cha dia-a; . . . Ẹkẹvuọvo ihwo dẹndẹn ri che vwo otọ na, vwe evun rẹ oyovwe rode kọye ayen da gọlọ.”—UNE RẸ EJIRO 37:10, 11.
Ọ GUỌNỌ mrẹ orugba rẹ aroẹmrẹ yena? O muẹro dẹn nẹ wọ guọnerọ mrẹ. O vwo oboresorọ e vwo vwo imuẹro nẹ o che rugba kẹrẹkpẹ.
Iyovwinreta ra fuẹren a ke mrẹ ọnana djunute aroẹmrẹ ri Baibol evo ri djerephia nẹ “oba rẹ ẹdẹ na” yen avwanre de yerẹn na. (2 Timoti 3:1-5) Ọghẹnẹ mu ihwo ri si Baibol na vwo si erọnvwọn yena phiyotọ rere avwanre vwo vwo iphiẹrophiyọ. (Rom 15:4) Orugba rẹ aroẹmrẹ tiọyena mudiaphiyọ nẹ ebẹnbẹn rẹ avwanre rioja rayen enẹna che vwoba kẹrẹkpẹ.
Die yen che nene oba rẹ ẹdẹ na? Uvie Ọghẹnẹ che sun ihworakpọ eje. (Matiu 6:9) Roro kpahen oborẹ Baibol na djisẹ rẹ oborẹ akpọ na cha dia vwẹ ọke yena.
● Owẹnvwe che no. “E jẹn ọka buebu dia otọ na; vwẹ enu rẹ igbenu na etiyin i de kpogho.”—Une Rẹ Ejiro 72:16.
● Ọga che no. “O gbi vwo ohwo rẹ orere na ovuovo rọ sa tanẹ, Me mwọga-a.”—Aizaya 33:24.
● Akpọ na cha dia ọkpokpọ. “Aghwa na kugbe otọ ọyaya na ke cha ghọghọ, aton na cha ghọghọ ro de di ẹbe gbidigbidi; kerẹ igbodigbo.”—Aizaya 35:1.
Enana ghwa usun rẹ omamọ rẹ aroẹmrẹ ri Baibol na evo ri che rugba kẹrẹkpẹ. Diesorọ wọ rha vuẹ Iseri ri Jihova nẹ ayen vuẹ wẹ oboresorọ ayen vwo vwo imuẹro kokoroko nẹ omamọ rẹ ọke cha vwẹ obaro na?