Jẹ Uyono Wẹn Dia Lọlọhọ

Obo ri Jesu Ruru

IVIDIO: Jesu Nabọ Djudje Oborẹ Ọsẹ Avwanre Vwẹrote Avwanre Wan

1. Ni IVIDIO na, yẹrẹ se Matiu 6:​25-27, rere ovwan ta ota kpahen enọ ri nenire:

1. Mavọ yen Jesu vwọ reyọ idje vwo dje obo ri Jihova vwo ọdavwẹ rẹ avwanre te?

2. Dede nẹ Jesu riẹn erọnvwọn buebun kpahen ephran, orọnvwọn ọlọlọhọ vọ yen ọ tẹnrovi kpahen ephran na? Diesorọ ona rẹ uyono yena vwo yovwin?

Die Yen Avwanre Yono Mie Jesu?

2. Iyono avwanre da dia lọlọhọ, ihwo ke sa karophiyọ oborẹ avwanre yono ayen, iyono na mi ji te ayen ubiudu.

Vwẹrokere Jesu

3. Wọ ta ota buẹn nọ-ọ. Ukperẹ wọ vwọ ta ota kpahen erọnvwọn eje rẹ wọ riẹn kpahen uyovwinrota na, tẹnrovi erọnvwọn rehẹ evunrẹ ọbe rẹ uyono na. Wọ da nọ onọ, vwo odirin hẹrhẹ ẹkpahọnphiyọ rẹ ohwo rẹ wo yono na. Ọ rha riẹn ẹkpahọnphiyọ na-a yẹrẹ ọ da ta ota rọ vwọso iyono ri Baibol na, gba nọ enọ efa vwọ chọn uko vwo roro kpahen ota na. O de vwo ẹruọ rẹ ẹkpo kiriguo ra guọnọre na, gba yan obaro.

4. Reyọ oborẹ ohwo rẹ yono na riẹnre jovwo vwọ chọn uko vwo vwo ẹruọ erọnvwọn kpokpọ. Kerẹ udje, wọ kẹ ton uyono rẹ evrẹnushi na phiyọ, gbe ke ru ọdjẹkoko rẹ obo ro yono kpahen ẹdia rẹ ihwo ri ghwuru hepha tavwen.

5. Vwẹ idje vwo ruiruo vwẹ idjerhe ro shephiyọ. Tavwen wọ kẹ reyọ idje vwo ruiruo, nọ oma wẹn:

1. ‘Udje na lọhọre?’

2. ‘Ohwo mi yono na cha fobọ vwo ẹruọ rọyen?’

3. ‘Ọ cha vwẹ ukẹcha kẹ vwọ karophiyọ ẹkpo kiriguo ra guọnọre na​—gbanẹ udje na ọvo yen ọ cha karophiyọ?’