A VWỌ TON OTAẸTAKUẸGBE PHIYỌ
UYONO 6
Uduoyivwin
Odjekẹ ri Baibol: “Avwanre fiudugberi womarẹ Ọghẹnẹ rẹ avwanre vwo ghwoghwo iyẹnrẹn esiri . . . kẹ ovwan.”—1Tẹ 2:2.
Obo ri Jesu Ruru
1. Ni IVIDIO na, yẹrẹ se Luk 19:1-7, rere ovwan ta ota kpahen enọ ri nenire:
Die yen sa nẹrhẹ ihwo evo kẹnoma kẹ Zakiọs?
Die yen mu Jesu vwo ghwoghwo iyẹnrẹn esiri na kẹ ghene?
Die Yen Avwanre Yono Mie Jesu?
2. Avwanre guọnọ uduoyivwin e se vwo ghwoghwo iyẹnrẹn esiri rẹ Uvie na kẹ kohwo kohwo.
Vwẹrokere Jesu
3. Vwẹroso Jihova. Ẹwẹn ọfuanfon rẹ Ọghẹnẹ mu Jesu vwo ghwoghwo, ọ je sa chọn wẹ uko. (Mt 10:19, 20; Lu 4:18) Rẹ Jihova nẹ ọ kẹ wẹ uduoyivwin wo se vwo ghwoghwota kẹ ihwo rẹ oshọ rayen mu we.—Iruo rẹ Iyinkọn Na 4:29.
4. Wo brokpakpa vwẹ ihwo guẹdjọ-ọ. Avwanre se siomauko ra vwọ vwẹ ukẹcha kẹ ihwo evo fikirẹ oborẹ ayen hepha, oborẹ ayen vwo igho te, oka rẹ akpọ rẹ ayen yerẹn, yẹrẹ oborẹ ayen segbuyota. Ẹkẹvuọvo karophiyọ:
Jihova vẹ Jesu yen riẹn obo rehẹ ubiudu rẹ ohwo, avwanre riẹnrẹ-ẹ.
Jihova se gbe arọdọnvwẹ kẹ kohwo kohwo.
5. Fiudugberi, ẹkẹvuọvo ruo vẹ ọghọ wo ji nomaso. (Mt 10:16) Kẹnoma kẹ aphro. Ọ da dianẹ ohwo na phraphro, gba vwẹ idjerhe rẹ ọghọ vwọ dobọ rẹ ota na ji.—Isẹ 17:14.