Die Yen Ọhọre rẹ Ọghẹnẹ Vwọ kẹ Avwanre?

Baibol na tare nẹ akpeyeren rẹ ihworakpọ, “pha krẹkrẹ, ọ je vọn vẹ ukpokpogho.” (Job 14:1) Ọnana yen ghene ọhọre rẹ Ọghẹnẹ vwọ kẹ avwanre? Ọ rha dia ọtiọye-en, kẹ die? O che rugba? Roro kpahen ẹkpahọnphiyọ ri Baibol na.

1. Oka rẹ akpọ vọ yen Jihova guọnọre nẹ avwanre yerin?

Omamọ rẹ akpọ yen Jihova guọnọre nẹ avwanre yerin. Ọke rọ vwọ ma Adam vẹ Ivi, o de phi ayen phiyọ iparadaisi oyoyovwin rọ dia ogba rẹ Idẹn. Ọtiọyena, “Ọghẹnẹ da ta kẹ ayen, We vwiẹ ri we bun phihọ, re wa vọn akpọ na, ru we phio kparobọ.” (Jẹnẹsis 1:28) Jihova guọnọ nẹ ayen vwiẹ emọ, ayen ru akpọ na phiyọ iparadaisi rere ayen vwẹrote eranvwe na. Ọhọre rọyen yen ihworakpọ vwọ dia gbagba je dia bẹdẹ.

Dede nẹ erọnvwọn ghwa phia tiọye-en,a ọhọre rẹ Ọghẹnẹ ji rhi wene-e. (Aizaya 46:10, 11) Ọ je guọnọ nẹ ihwo re kerhọ rọyen je dia bẹdẹ vwẹ akpọ oyoyovwin.—Se Ẹvwọphia 21:3, 4.

2. Mavọ yen avwanre se vwo vwo uvi rẹ akpeyeren asaọkiephana?

Jihova ma avwanre a vwọ guọnọ odjekẹ rọyen, ọnana yen sorọ e vwo vwo ẹwẹn re vwo vughe je ga. (Se Matiu 5:3-6.) Ọ guọnọre nẹ avwanre vwo oyerinkugbe ọkpẹkpẹkpẹ vẹ ọyen, je “yan phihọ idjerhe rọye ejobi, re wọ guọnọ,” je ga vẹ “udu wẹn ejobi.” (Urhi Rivẹ 10:12; Une Rẹ Ejiro 25:14) E de ru ọtiọyen, ke se vwo uvi rẹ omavwerhovwẹn dede nẹ e hirharokuẹ ebẹnbẹn. A da ga Jihova je yan nene irhi rọyen, akpeyeren rẹ avwanre ko che vwo otọ.

3. Jihova guọnọre nẹ ihworakpọ riavwerhen rẹ akpeyeren

Hworo IVIDIO na, ovwan ta ota kpahen onọ ro nenire.

IVIDIO: Diesorọ Ọghẹnẹ Vwọ Ma Akpọ Na?—Ẹbẹre ra Reyọ Norhe (1:41)

• Diesorọ Ọghẹnẹ vwọ ma akpọ oyoyovwin rẹ avwanre na?

Se Aghwoghwo 3:11, ovwan ta ota kpahen onọ nana:

• Die yen ọnana yono uwe kpahen Jihova?

4. Ọhọre ri Jihova ji wene-e

Se Une Rẹ Ejiro 37:11, 29 kugbe Aizaya 55:11, ovwan ta ota kpahen onọ nana:

• Mavọ yen avwanre ru riẹn nẹ ọhọre ri Jihova ji wene-e?

5. Ẹga ri Jihova sa nẹrhẹ akpeyeren rẹ avwanre ghini vwo otọ

IVIDIO: Mi Yono Kpahen Otọ rẹ Akpeyeren (5:03)

• Erere vọ yen Terumi mrẹre ọke rọ vwọ riẹn otọ rẹ akpeyeren?

Se Aghwoghwo 12:13, ovwan ta ota kpahen onọ nana:

• Mavọ yen e se vwo dje ọdavwaro phia kpahen erọnvwọn buebun rẹ Jihova ru kẹ avwanre re?

ỌDJẸKOKO

Jihova guọnọre nẹ avwanre riakpọ bẹdẹ vwẹ otọrakpọ rọ pha yoyovwin. Avwanre da ga Jihova vẹ ubiudu rẹ avwanre eje, akpeyeren rẹ avwanre che vwo otọ asaọkiephana.

Ẹrhomafuẹrẹn

• Die yen ọhọre rẹ Ọghẹnẹ vwọ kẹ Adam vẹ Ivi?

• Mavọ yen e ru riẹn nẹ ọhọre rẹ Ọghẹnẹ vwọ kẹ ihworakpọ ji wene-e?

• Mavọ yen wọ sa vwọ riẹn otọ rẹ akpeyeren?

HIẸ GUỌNỌ

Fuẹrẹn erọnvwọn evo ri djerephia nẹ ogba rẹ Idẹn na ghene dia.

“Ogba rẹ Idẹn Na—Osia Gbanẹ Uyota?” (Uwevwin Orhẹrẹ ri January 1, 2011)

Yono kpahen oboresorọ o vwo mu avwanre ẹro nẹ akpọ na cha dia bẹdẹ.

“A Cha Ghwọrọ Otọrakpọ Na?” (Uyovwinrota rọhẹ jw.org)

Mrẹ oborẹ Baibol na ta kpahen oborẹ akpeyeren wẹn se vwo vwo otọ.

“Die Yen Otọ rẹ Akpeyeren?” (Uyovwinrota rọhẹ jw.org)

Mrẹ oborẹ ọshare ọvo ro rorori nẹ ọyen vwo emu eje vwọ mrẹ nẹ emu ọvo kanre akpeyeren rọyen.

Akpeyeren Mẹ Rhi Vwo Otọ Re (3:55)