UNE 34
Me Cha Yọnre Gan
Ọ rọ Họhọ ọ ra Teyenphia
1. Ọghẹnẹ mẹ, me cha fuevun kẹ wẹ;
Me je cha yọnre gan, me vwẹrovwọs’owẹ.
Gba fuẹr’ovwẹ, wọ je davw’ovwẹ ni;
R’ubiudu mẹ fuanfon, me sa vwọ mr’ebruba.
(EKUO)
Mi brorhiẹn na, Mi muegbe r’ẹwẹn mẹ
ne me cha yọnre gan, Je ga wẹ bẹvwẹdẹ.
2. Me kẹnoma vwọ k’irumwemwu na.
Mi vw’utuoma r’ihwo ri yer’akpọ r’efian.
Wọ ghwọr’ovwẹ v’irumwemwu na rẹ;
Ihwo r’abọ rayen vọnre v’ohwekufia.
(EKUO)
Mi brorhiẹn na, Mi muegbe r’ẹwẹn mẹ
ne me cha yọnre gan, Je ga wẹ bẹvwẹdẹ.
3. Mi vw’ẹguọnọ me vwọ di’uwevwin wẹn.
Ẹga wẹn pha fuanfon, me cha ga wẹ bẹdẹ.
Me cha gọlọ vwevunr’uwevwin wẹn,
Ji ghwoghw’urinrin wẹn vwevunr’akpọneje.
(EKUO)
Mi brorhiẹn na, Mi muegbe r’ẹwẹn mẹ
ne me cha yọnre gan, Je ga wẹ bẹvwẹdẹ.
(Ji ni Une 25:2.)