Une 29
Sẹro rẹ Ọyọnregan
1. Ọrovwori, biko n’evu’ẹfuọn mẹ;
Kugb’ọyọnregan mẹ, me vwẹrovwọs’owẹ.
Gba fuẹr’ovwẹ, wọ je davw’ovwẹ ni;
Hi’ẹwẹn v’ubiudu mẹ, me sa vwọ mr’ebruba.
(EKUO)
Mi brorhiẹn na, Mi muegbe r’ẹwẹn mẹ
re me vwọ yọnregan, Je ga wẹ bẹvwẹdẹ.
2. Mi nen’ihwo r’umwemwu chidia rẹ.
Mi vw’utuoma r’ihwo ri yer’akpọ r’efian.
Wọ ghwọr’ovwẹ v’i rumwemwu na rẹ;
Ihwo r’abọ rayen vọnre v’ohwekufia.
(EKUO)
Mi brorhiẹn na, Mi muegbe r’ẹwẹn mẹ
re me vwọ yọnregan, Je ga wẹ bẹvwẹdẹ.
3. Mi vw’ẹguọnọ me vwọ di’uwevwin wẹn.
Ẹga wẹn pha fuanfon, me cha ga wẹ bẹdẹ.
Me cha gọlọ vwevunr’uwevwin wẹn,
Ji ghwoghw’urinrin wẹn vwevunr’akpọneje.
(EKUO)
Mi brorhiẹn na, Mi muegbe r’ẹwẹn mẹ
re me vwọ yọnregan, Je ga wẹ bẹvwẹdẹ.
(Ji ni Une 25:2.)