ẸBẸRE 8
Die Ọyen Ughwu ri Jesu Mudia Phiyọ kẹ Wẹ?
Jesu ghwuru rere avwanre vwọ sa dia. Jọn 3:16
Ẹdẹ erha ri Jesu vwo ghwu nu, eya evo de kpẹ asan ushi rọyen ayen da mrẹ nẹ ofefe. Jihova rhọvwẹn Jesu nẹ ughwu re.
Jesu da vwoma phia kẹ iyinkọn rọyen ukuko na.
E, Jihova rhọvwẹn Jesu nẹ ushi rhe akpọ rhe dia emama rẹwẹn ro ghwẹ-ẹ, rọ vẹ ẹgba gangan. Idibo ri Jesu mrẹ rẹ ro vwo kpẹ odjuvwu.
Ọghẹnẹ kparẹ Jesu vrẹnushi o de vwo mu Ovie rẹ Uvie r’Ọghẹnẹ. Daniẹl 7:13, 14
Jesu vwẹ arhọ rọyen kpahotọ vwọ hwosa rẹ ọtanhirhe rẹ ihworakpọ. (Matiu 20:28) Womarẹ ọtanhirhe yena Ọghẹnẹ de ruo rere avwanre vwọ sa dia bẹdẹ.
Jihova vwẹ Jesu mu Ovie ro che sun otọrakpọ na. Ọ vẹ ihwo re fuevun 144,000 ra kpare vrẹnushi otọrakpọ na ra dia vwobẹ odjuvwu. Jesu vẹ ihwo 144,000 yin che sun usuon ọphiọphiọn rẹ odjuvwu na—Uvie r’Ọghẹnẹ.—Ẹvwọphia 14:1-3.
Uvie r’Ọghẹnẹ che ru otọrakpọ na phiyẹ paradais. Ofovwin, urhiẹchọ, ọbẹvwẹn, kugbe owẹvwen rha cha dia ọfa-a. Ihwo ke cha ghọghọ vwọ r’uyota.—Une Rẹ Ejiro 145:16.