Ono Yehẹ Jesu?

Jihova yin jẹ Jesu rhe akpọ na. 1 Jọn 4:9

Siẹrẹ avwanre da guọnọ ru obo re vwerha Jihova evun, avwanre ke je kerhọ rẹ ohwọfa rọ vwa ghanghanre. Ọke gregron tavwen ọ ke ma Adam, Jihova ma ohwo rẹwẹn ọvo ro vwo ẹgba vwẹ idjuvwu na.

Ọke rhe vwọ wanvrẹn, Jihova de ji ohwo nana rhe rẹ ọmọtobẹ re se Meri vwiẹri vwẹ Bẹtlẹhẹm. E de muodẹ re se nẹ Jesu kẹ ọmọ na.​—Jọn 6:38.

Kerẹ ohwo vwẹ otọrakpọ na, Jesu dje iwan r’Ọghẹnẹ phia gbagba. Ohwo vẹ arodọvwẹn, ẹguọnọ, ra sa rua. Vwọrẹ j’oshọ ẹdjẹ, o yono ihwoefa uyota na kpahen Jihova.

Jesu ru erhuvwun ẹkẹvuọvo e vwo utuoma kpahọn. 1 Pita 2:21-24

Jesu sivwin ihwo re hovwan ọga je kpare ihwo ri ghwuru vrẹn.

Ilori rẹga na vwo utuoma kpahen Jesu keridie o tueghe iyono r’efian rayen kugbe idjerhe umwemwu rayen phia.

Ilori rẹga na riẹriẹ ihwo ri Rom nẹ ayen hwe Jesu rere ayen hwe ghwu.