Ọdjẹkoko Rẹ

Jihova ma Adm vẹ Ivi rere ayen vwọ dia bẹdẹ bẹdẹ vwẹ Iparadaisi. Eshu miovwo odẹ rẹ Ọghẹnẹ, ji gbevwọso ẹgba usuon Rọyen. Adam vẹ Ivi de kuomakugbe Eshu vwẹ ẹvwọsuọ nana, rọ hwarhiẹ umwemwu vẹ ughwu vwo rhe ayen vẹ emọ rayen

Jihova de duvwu iyori kẹ iri gbevwọsuọ na, ji ve nẹ Osivwin, yẹrẹ Ọmọ ọvo cha ghwọrọ Eshu, ji phi oba phiyọ erọnvwọn ri nẹ obuko rẹ ẹvwọsuọ vẹ umwemwu rhe

Jihova ve kẹ Ebraham vẹ Devid nẹ ayen cha dia esẹ ride rẹ Ọmọ na, yẹrẹ Mesaya na, ro che sun kerẹ Ovie bẹdẹ bẹdẹ

Jihova mu emraro rọyen vwọ mraro kpahen Mesaya na, nẹ o che si umwemwu vẹ ughwu no. Ọ vẹ ichabọ rọyen che sun kerẹ Ovie rẹ Uvie Ọghẹnẹ, ro che phi oba phiyọ ifovwin, ega, vẹ ughwu

Jihova ji Ọmọ rọyen rhe otọrakpọ na, ọ da nẹrhẹ a riẹn nẹ ọyehẹ Mesaya na. Jesu ghwoghwo kpahen Uvie Ọghẹnẹ, ọ da je vwẹ arhọ rọyen vwo ze izobo. Jihova da kparọ nẹ ushi kerẹ ohwo rẹ ẹwẹn

Jihova vwẹ Ọmọ rọyen vwo mu Ovie vwẹ odjuvwu, ro djephia nẹ ẹdẹ rẹ oba na tonphiyọ re. Jesu vwẹ ukẹcha vwọ kẹ idibo rọyen rẹ ayen vwo ghwoghwo Uvie Ọghẹnẹ vwẹ akpọneje

Jihova vwẹ iji kẹ Ọmọ rọyen nẹ o sun otọrakpọ na. Uvie na che phi oba phiyọ usuon rẹ Eshu ejobi, ọ cha vwẹ Iparadaisi na vwo mu, o ji che ru ihworakpọ ri nyupho rọyen gbagba. Usuon ri Jihova che phikparobọ, o che ru odẹ rọyen fon bẹdẹ bẹdẹ