Yanphiaro, Ighwoghwota rẹ Uvie Na!

1. Ovwan yanran re ghwoghw’Uvie na,

K’ihworakpọ n’ejobi.

Fikir’ẹguọnọ k’ọrivẹ wẹn,

Ch’ay’uko vwo mudia gan.

Uphẹn rode ra vwọ g’Ọghẹnẹ,

Je ghwoghw’ota na v’aghọghọ.

Gba yanran re ghwoghwo ọkieje,

Soseri k’odẹ r’Ọghẹnẹ.

2. Yanphiaro, idibo r’u yota,

Tẹnrovi’arhọ ri bẹdẹ.

Je nen’odjekẹ r’Onini na,

V’ubiudu rọ pha fuanfon.

Ovuẹ r’ẹcha r’Uvie r’Ọghẹnẹ,

E j’ihwo’ejobi nyo kpahọn.

Womar’ogangan ri Jihova;

E che fiudugberi ghwoghwo!

3. E ra jẹreyọ v’igod’efa,

Kuomakugbe yanphiaro.

Ay’eje yan nen’uyota na,

T’imitete t’ekpako.

Je n’ẹga r’avwanre ghanghanre,

E j’avwanre muẹrophiyọ.

J’a vw’uruemu r’ọvwata djephia,

N’avwanre ghene g’Ọghẹnẹ.