UNE 61
Yan Phiaro, Ovwan Iseri!
1. Ihwo r’Ọghẹnẹ, vwan nabọ mudia gan,
Avwanre yerẹn vwevunr’ọke r’oba na.
Dede n’Eshu muẹ kpah’avwanre,
Jihova cha ch’avwanr’uko yọnre gan.
(EKUO)
Ja yan phiaro, Iseri, V’uduefiogbere!
Ghọghọ n’ovwan ji vwobọ vw’iruo r’Ọghẹnẹ!
Ghwoghwo k’ihw’eje paradaisi kẹrire.
Ebruba r’Uvie na je kẹrire.
2. Avwanre cha guọn’ojevwe r’akpọ rẹ,
Avwanre je cha guọn’ujiri r’akpọ rẹ.
E gbe ja kẹnoma k’akpọ na,
E ja sẹro r’ọyọnregan r’avwanre.
(EKUO)
Ja yan phiaro, Iseri, V’uduefiogbere!
Ghọghọ n’ovwan ji vwobọ vw’iruo r’Ọghẹnẹ!
Ghwoghwo k’ihw’eje paradaisi kẹrire.
Ebruba r’Uvie na je kẹrire.
3. Ihwo vw’Ọghẹnẹ v’Uvie na vwọ jehwẹ.
Evo tobọ rey’odẹ rọyen vwọ heha.
E j’avwanre ru’odẹ rọyen fon,
Ji ghwoghwo phia vwevunr’akpọ n’ejobi.
(EKUO)
Ja yan phiaro, Iseri, V’uduefiogbere!
Ghọghọ n’ovwan ji vwobọ vw’iruo r’Ọghẹnẹ!
Ghwoghwo k’ihw’eje paradaisi kẹrire.
Ebruba r’Uvie na je kẹrire.
(Ji ni Eyan. 9:16; Fil. 1:7; 2 Tim. 2:3, 4; Jems 1:27.)