Igbeyan rẹ Ọghẹnẹ Ruẹ Obo ri Yovwirin

Wo de vwo ugbeyan ru wo vwẹ ẹguọnọ kpahen, ji muọghọ kẹ, wọ cha davwẹngba rere wọ vwẹrokere. Baibol na tare nẹ, “Ọrovwohwo na ohwo esiri vẹ ọsoso.” (Une Rẹ Ejiro 25:8) Tavwen avwanre ke sa dia igbeyan rẹ Ọghẹnẹ, avwanre ke je dia ihwo esiri vẹ ọsoso. Baibol na tare: “Vwẹ ọtiọyen na ovwan gba vwẹ ẹro kere Ọghẹnẹ, kerẹ ẹmọ re ghanre, re wan yan vwẹ evun rẹ ẹguọnọ.” (Ẹfesọs 5:1, 2) Enana hẹ idjerhe evo re sevwo ru ọtiọyen::

Vwẹ ukẹcha kẹ ihwoefa. “E jẹn avwanre ru emu esiri kẹ ihwo ejobi.”—Galesha 6:10.

Dia ọgbowian. “E jẹn ohwo ro cho uji jẹ uji vwo, ẹkẹvuọvo e jẹn ọ vwẹ abọ rọyen wian, ọ vwẹ abọ rọyen ru iruo ro vwo ọghọ.”—Ẹfesọs 4:28.

Fon vwọrẹ ugboma vẹ uruemu. ‘E gbe jẹn avwanre họ oma rẹ avwanre nẹ ẹgua rẹ ugboma vẹ ẹwẹn, re ru ẹfuọn gba vwẹ oshọẹdjẹ rẹ Ọghẹnẹ.’—2 Kọrẹnt 7:1.

Dje ẹguọnọ vẹ ọghọ kẹ ihwo rẹ orua wẹn. “E jẹ ohwo ọvuọvo guọnọ aye rọyen kerẹ omobọ rọyen, e gbe rhe jẹn aye vwẹ oma kpotọ kẹ ọshare. Emọ na, we mu ọghọ kẹ esẹ vẹ ini rẹ ovwan.”—Ẹfesọs 5:33–6:1.

Vwo ẹguọnọ rẹ ihwoefa. “E jẹn avwanre guọnọ ohwohwo; kidie ẹguọnọ hẹ ọ rẹ Ọghẹnẹ.”—1 Jọn 4:7.

Yan nene irhi ri suẹn ẹkuotọ. “E jẹn kohwo kohwo vwẹ oma kpotọ kẹ otu ra vwẹ ogangan rẹ isuesu kẹ . . . Jẹn ẹkẹn arhọghọ wẹn kẹ ayen, ọ ra hwa osa rẹ uyovwin kẹ, hwa kẹ.”—Rom 13:1, 7.