Igbeyan Ọghẹnẹ Kẹnoma kẹ Obo re Brare

Eshu nẹrhẹ ihwo ruẹ erọnvwọn re brare. Ofori nẹ ohwo rọ guọnọ dia ugbeyan rẹ Ọghẹnẹ vwo utuoma kpahen obo ri Jihova vwo utuoma kpahen. (Une Rẹ Ejiro 97:10) Enana yẹn erọnvwọn evo rẹ igbeyan rẹ Ọghẹnẹ cha kẹnoma kẹ:

Ọfanrhiẹn. “Wo gbe igberadja-a.” (Eyanno 20:14) Uruemu revwo bru ehware tavwen a ke rọvwọn chọre.​—1 Kọrẹnt 6:18.

Ravwọ da Udi Vrẹ Oma. “Ọgbaidi . . . sa reuku rẹ uvie rẹ Ọghẹnẹ na-a.”—1 Kọrẹnt 6:10.

Revwo Hwe Ohwo, Evun-Ẹkparọn. “Wo hwe ohwo-o.”—Eyanno 20:13.

Uji. “Wo cho uji-i.”—Eyanno 20:15.

Efian. Jihova vwo utuoma kpahen “ẹrenvwe rọ vwọrọn efian.”—Isẹ 6:17.

Ozighi vẹ Ophu Ọgangan. “Oma tuẹ [Jihova] kpahen ohwo ro gbe ozighi.” (Une Rẹ Ejiro 11:5) Ọvo usun rẹ “iruo rẹ ugboma na, ophuemuo.”—Galesha 5:19, 20.

Idjogba. ‘We kuoma gbe ohwo ọvuọvo rọ dia ọvwurhuru-u.’—1 Kọrẹnt 5:11.

Utuoma Kpahen Ihwo rẹ Ẹkuotọ vẹ Ejajẹ Ọfa. “Guọnọ ivwighrẹn wẹn, nẹ ẹrhovwo kẹ ihwo ri kpokpo uwe.” —Matiu 5:43, 44.

Erọnvwọn Ọghẹnẹ vuẹ avwanre ejobi fikirẹ erhuvwu rẹ avwanre. Ọghwa lọhọ ravwọ kẹnoma kẹ obo ri miovwiri-in. Ẹkẹvuọvo womarẹ ukẹcha ri Jihova vẹ ọ rẹ Iseri rọyen, wọ sa kẹnoma kẹ obo ri miovwon Ọghẹnẹ ivun. —Aizaya 48:17; Filipae 4:13; Hibru 10:24, 25.