Amono Yẹn Ivwighrẹn rẹ Ọghẹnẹ?

Ọvweghrẹn rẹ Ọghẹnẹ rọ ma rho ọyen Eshu, Idẹbono na. Eshu ọyẹn ohwo rẹ ẹwẹn ro gbevwọso Jihova. Ọkieje yẹn Eshu vwọ họnra vwọsua Ọghẹnẹ, ọ je suẹ okpetu vwọ kẹ ihworakpọ. Eshu ọyen ohwo umwemwu. Eshu ọyen ọvwọnrọn ofian vẹ ozighẹ.—Jọn 8:44.

Emekashe efa vwomaba Eshu vwo gbevwọso Ọghẹnẹ. Baibol na se ayen emekashe umwemwu. Kerẹ Eshu, emekashe umwemwu na jẹ ivwighrẹn rẹ ihworakpọ. Ayen gboja kẹ ihwo. (Matiu 9:32, 33; 12:22) Jihova cha ghwọrọ Eshu vẹ emekashe rọyen bẹdẹ bẹdẹ. Ọke ro chekọ rẹ ayen vwọ so okpetu kẹ ihworakpọ rhe gro-on.—Ẹvwọphia 12:12.

Siẹrẹ wọ da guọnọ dia ugbeyan rẹ Ọghẹnẹ, wo ruẹ ọhọre rẹ Eshu-u. Eshu vẹ emekashe rọyen vwo utuoma kpahen Jihova. Ayen ivwighrẹn rẹ Ọghẹnẹ, ayen je guọnọ nẹ wọ dia ọvweghrẹn rẹ Ọghẹnẹ. Wẹ yin che brorhiẹn rẹ ọhọre ohwo ru wo che ru—Eshu yẹrẹ Jihova. Wọ da guọnọ vwo arhọ ri bẹdẹ, gbe ru ọhọre rẹ Ọghẹnẹ. Eshu vwo ena vẹ idjerhe buebun rọ vwọ phiẹn ihwo. Ihwo buebun yẹn ọ phiẹn tobọ re.—Ẹvwọphia 12:9.