لائبیریا کے دارالحکومت مونروویا کے نزدیک ایک عورت کو پاک کلام کا پیغام دیا جا رہا ہے۔‏

بات‌چیت کے لیے تجاویز

●○○ پہلی ملاقات

سوال:‏ پاک کلام کو پڑھنے سے ہمیں کیا فائدہ ہو سکتا ہے؟‏

آیت:‏ 2-‏تیم 3:‏16

متعلقہ سوال:‏ پاک کلام میں کون سا اہم پیغام پایا جاتا ہے؟‏

○●○ پہلی واپسی ملاقات

سوال:‏ پاک کلام میں کون سا اہم پیغام پایا جاتا ہے؟‏

آیت:‏ متی 6:‏10

متعلقہ سوال:‏ خدا کی بادشاہت کیا کرے گی؟‏

○○● دوسری واپسی ملاقات

سوال:‏ خدا کی بادشاہت کیا کرے گی؟‏

آیت:‏ دان 2:‏44

متعلقہ سوال:‏ اِس سے زمین پر کون سی تبدیلیاں آئیں گی؟‏

اِس مہینے سے ‏”‏مسیحی زندگی اور خدمت—‏اِجلاس کا قاعدہ“‏ میں پیشکش کے لیے تجاویز نہیں دی جائیں گی۔ اِس کی بجائے قاعدے میں بات‌چیت کے لیے تجاویز آئیں گی جن میں بات‌چیت شروع کرنے کے لیے ایک سوال، ایک آیت اور ایک متعلقہ سوال دیا جائے گا جس کے ذریعے اگلی ملاقات کی بنیاد ڈالی جا سکتی ہے۔ ہر ہفتے اِجلاس پر بات‌چیت کے لیے تجاویز کی ایک ویڈیو دِکھائی جائے گی۔ ہر مبشر خود فیصلہ کر سکتا ہے کہ وہ ہماری اُن کتابوں میں سے کون سی کتاب پیش کرے گا جس سے ہم لوگوں کو بائبل کی تعلیم دیتے ہیں۔ وہ یہ فیصلہ بھی خود کر سکتا ہے کہ وہ اِس کتاب کو کب پیش کرے گا، پہلی ملاقات پر یا واپسی ملاقات پر۔ اِس کے علاوہ قاعدے میں پہلی ملاقات کے بعد دو واپسی ملاقاتیں کرنے کے لیے تجاویز بھی دی جائیں گی۔ اِس طرح ہم اُن سب لوگوں کو ”‏جو ہمیشہ کی زندگی کی راہ پر چلنے کی طرف مائل“‏ ہیں، اچھی طرح تعلیم دینے کے قابل ہوں گے۔—‏اعما 13:‏48‏۔‏

طالبِ‌علموں کے حصے:‏ جب تک واضح ہدایات نہ ہوں تب تک طالبِ‌علموں کو بات‌چیت کے لیے دی گئی تجاویز کو اِستعمال کرتے ہوئے اپنا حصہ پیش کرنا چاہیے۔‏