فدیے سے پہلے گُناہوں کی معافی

ہمیں اپنے گُناہوں کی معافی صرف اُسی فدیے کے ذریعے مل سکتی ہے جو یسوع نے اپنے خون کے ذریعے دیا۔ (‏اِفِس 1:‏7‏)‏ لیکن بائبل میں لکھا ہے:‏ ”‏[‏یہوواہ]‏نے تحمل کر کے اُن گُناہوں کو معاف کِیا جو ماضی میں ہوئے“‏ یعنی وہ گُناہ جو یسوع کے فدیہ دینے سے پہلے ہوئے۔ (‏روم 3:‏25‏)‏ لیکن یہ کیسے ممکن تھا کہ یہوواہ یسوع کی قربانی سے پہلے گُناہ بھی معاف کر دے اور وہ اِنصاف کے حوالے سے اپنے معیاروں پر بھی پورا اُترے؟‏

یہوواہ نے ایک ”‏نسل“‏ کا وعدہ کِیا تھا جس نے اُن لوگوں کو بچانا تھا جو یہوواہ اور اُس کے وعدوں پر ایمان رکھتے ہیں۔ جس لمحے یہوواہ نے یہ وعدہ کِیا، فدیہ ایک لحاظ سے اُسی وقت ادا ہو گیا تھا۔ (‏پید 3:‏15؛‏ 22:‏18‏)‏ یہوواہ کو پکا یقین تھا کہ اُس کے مقرر کیے ہوئے وقت پر اُس کا بیٹا خوشی سے اپنی جان فدیے کے طور پر دے گا۔ (‏گل 4:‏4؛‏ عبر 10:‏7-‏10‏)‏ جب یسوع زمین پر تھے تو خدا نے اُنہیں یہ اِختیار دیا تھا کہ وہ فدیہ دینے سے پہلے ہی لوگوں کے گُناہوں کو معاف کر سکتے تھے۔ یسوع اُن لوگوں کے گُناہ معاف کر سکتے تھے جن کا ایمان مضبوط تھا کیونکہ یسوع جانتے تھے کہ اُن کی قربانی سب لوگوں کے گُناہوں کو ڈھانپ دے گی۔—‏متی 9:‏2-‏6‏۔‏