مسیحیوں کے طور پر زندگی
شادی—عمر بھر کا بندھن
ایک کامیاب شادی سے یہوواہ کی بڑائی ہوتی ہے اور میاں بیوی کو خوشی ملتی ہے۔ (مر 10:9) اگر ایک مسیحی چاہتا ہے کہ اُس کی شادیشُدہ زندگی خوشیوں سے بھری ہو اور اُس کا شادی کا بندھن کبھی نہ ٹوٹے تو اُسے اپنے لیے جیون ساتھی چُنتے وقت بائبل کے اصولوں پر عمل کرنا چاہیے۔
اُس وقت کسی کو شادی کی نیت سے اچھی طرح جاننے کی کوشش کریں جب آپ اُس عمر سے گزر جاتے ہیں ”جب جوانی کی خواہشیں زوروں پر ہوتی ہیں“ کیونکہ یہ ایک ایسا وقت ہوتا ہے جب اکثر لوگ صحیح فیصلے نہیں کر پاتے۔ (1-کُر 7:36) جب تک آپ کی شادی نہیں ہوتی، یہوواہ کے ساتھ اپنی دوستی کو مضبوط کرتے رہیں اور اپنے اندر ایسی خوبیاں پیدا کرتے رہیں جو یہوواہ کو پسند ہیں۔ تب آپ ایک اچھے جیون ساتھی ثابت ہو پائیں گے۔
کسی سے شادی کے لیے ہاں کرنے سے پہلے اُس شخص کے ”دل میں چھپے اِنسان“ کو اچھی طرح سے جاننے کی کوشش کریں اور اِس کے لیے آپ کو جتنا بھی وقت چاہیے ہو، ضرور لیں۔ (1-پطر 3:4) اگر آپ کے ذہن میں کوئی سوال کھڑا ہو جاتا ہے تو اُس شخص سے ضرور بات کریں۔ باقی رشتوں کی طرح شادی کے بندھن میں بھی اِس بات پر دھیان دینا ضروری نہیں ہوتا کہ آپ کا جیون ساتھی آپ کے لیے کیا کرے گا بلکہ اِس بات پر دھیان دینا ضروری ہوتا ہے کہ آپ اپنے جیون ساتھی کے لیے کیا کچھ کریں گے۔ (فل 2:3، 4) اگر آپ شادی سے پہلے بائبل کے اصولوں پر عمل کریں گے تو آپ کے لیے شادی کے بعد میں بھی اِن پر عمل کرنا آسان ہوگا اور اِس طرح آپ کی شادیشُدہ زندگی خوشیوں سے بھری ہو گی۔
ویڈیو ”شادی کے لیے تیار ہونا—حصہ 3: ’پہلے اندازہ لگائیں‘ “ دیکھیں اور پھر نیچے دیے گئے سوالوں کے جواب دیں:
شین کے ساتھ بہن کا رشتہ آگے کیسے بڑھا؟
جب بہن، شین کو اچھی طرح سے جاننے لگی تو اُس نے شین کی کون سی باتیں نوٹ کیں؟
بہن کے ماں باپ نے اُس کی کیسے مدد کی اور اُس نے کون سا اچھا فیصلہ کِیا؟