‏’‏ایسے شخصوں کی عزت کریں‘‏

سن 1992ء سے گورننگ باڈی تجربہ‌کار اور پُختہ بزرگوں کو مقرر کر رہی ہے تاکہ وہ اِس کی مختلف کمیٹیوں کی مدد کریں۔ یہ بزرگ مسیح کی ’‏اَور بھی بھیڑوں‘‏ سے ہیں اور مختلف طریقوں سے گورننگ باڈی کا ہاتھ بٹاتے ہیں۔ (‏یوح 10:‏16‏)‏ وہ جس کمیٹی کے مددگار ہیں، ہر ہفتے اُس کے اِجلاس میں جاتے ہیں۔ وہ اُن معاملات کے بارے میں معلومات اِکٹھی کرتے ہیں اور اپنی تجاویز دیتے ہیں جن پر اِجلاس میں بات ہوتی ہے۔ حتمی فیصلے تو گورننگ باڈی کرتی ہے لیکن یہ بزرگ اُن فیصلوں کو عمل میں لاتے ہیں۔ اِن بھائیوں کو جو بھی کام سونپا جاتا ہے، وہ اُسے خوشی سے کرتے ہیں۔ یہ بزرگ گورننگ باڈی کے رُکنوں کے ساتھ علاقائی اور بین‌الاقوامی اِجتماعوں پر جاتے ہیں۔ اِس کے علاوہ یہ بھائی مرکزی دفتر کے نمائندوں کے طور پر مختلف برانچوں کا بھی دورہ کرتے ہیں۔‏

ایک بھائی جو 1992ء سے گورننگ باڈی کی ایک کمیٹی کے مددگار کے طور پر کام کر رہا ہے، وہ کہتا ہے:‏ ”‏جب مَیں اپنی ذمے‌داریاں اچھے طریقے سے نبھاتا ہوں تو گورننگ باڈی کو روحانی باتوں پر غور کرنے کا زیادہ موقع ملتا ہے۔“‏ ایک بھائی جو 20 سال سے مددگار کے طور پر خدمت کر رہا ہے، وہ کہتا ہے:‏ ”‏یہ اِتنا بڑا اعزاز ہے جسے مَیں بیان نہیں کر سکتا۔“‏

گورننگ باڈی اِن بھائیوں کو بہت زیادہ ذمے‌داریاں سونپتی ہے اور اِن کی محنت اور وفاداری کی بڑی قدر کرتی ہے۔ آئیں، ہم ’‏ایسے شخصوں کی عزت کریں۔‘‏—‏فل 2:‏29‏۔‏