کیا یہوواہ کے گواہ یسوع مسیح کو مانتے ہیں؟
جی ہاں، ہم یسوع مسیح کو مانتے ہیں جنہوں نے کہا کہ ”راہ اور حق اور زندگی مَیں ہوں۔ کوئی میرے وسیلہ کے بغیر باپ کے پاس نہیں آتا۔“ (یوحنا 14:6) ہم اِس بات پر ایمان رکھتے ہیں کہ یسوع مسیح آسمان سے زمین پر آئے اور اُنہوں نے اپنی جان قربان کر کے اِنسانوں کے لیے فدیہ ادا کِیا۔ (متی 20:28) جو لوگ یسوع مسیح پر ایمان ظاہر کرتے ہیں، وہ اِس قربانی کی بِنا پر ہمیشہ کی زندگی حاصل کر سکتے ہیں۔ (یوحنا 3:16) ہم یہ بھی مانتے ہیں کہ یسوع مسیح خدا کی بادشاہت کے بادشاہ ہیں جس کے ذریعے جلد ہی زمین کے حالات اچھے ہو جائیں گے۔ (مکاشفہ 11:15) بائبل کے مطابق یسوع مسیح نے خود کہا کہ ”باپ مجھ سے بڑا ہے۔“ (یوحنا 14:28) اِس سے پتہ چلتا ہے کہ یسوع مسیح، قادرِمطلق خدا نہیں ہیں۔ اِس لیے ہم یسوع مسیح کی عبادت نہیں کرتے۔