ہرمجدون—‏کیا یہ ہولناک تباہی ہے؟‏

کیا آپ نے لفظ ہرمجدون سنا ہے؟ یہ لفظ بائبل میں استعمال ہوا ہے۔ بہتیرے لوگوں کا خیال ہے کہ یہ لفظ دُنیا کی ہولناک تباہی کی طرف اشارہ کرتا ہے۔ ایک ایسی تباہی جس میں پوری زمین اور انسان مکمل طور پر تباہ ہو جائیں گے۔ اس نام سے فلمیں بھی بنائی گئی ہیں جن میں یہ دکھایا جاتا ہے کہ کیسے تمام انسان اور ہمارا کرۂ‌ارض ایک ہولناک تباہی میں ختم ہو جائے گا۔‏

لہٰذا، کیا آپ اس بات سے متفق نہیں کہ اس لفظ کی واضح سمجھ حاصل کرنا بہت ضروری ہے؟ بائبل ہرمجدون کو ”‏دُنیا کے آخر“‏ کیساتھ جوڑتی ہے۔ (‏متی ۲۴:‏۳‏)‏ اسکے علاوہ، کیا یہ معقول نہیں ہوگا کہ ہرمجدون کی بابت اپنے سوالات کے جواب حاصل کرنے کیلئے خدا کے کلام کی طرف رجوع کِیا جائے؟ کیا آپ جانتے ہیں کہ ہرمجدون کا آپ کیلئے اور آپکے خاندان کیلئے کیا مطلب ہوگا؟‏

ایسا جائزہ ظاہر کرے گا کہ ہولناک تباہی کی بجائے ہرمجدون اُن لوگوں کیلئے ایک اچھے دَور کا آغاز ہوگا جو راست نئی دُنیا میں زندہ رہنا چاہتے ہیں۔ جب آپ اگلے مضمون میں ہرمجدون کے اصل مطلب پر غور کریں گے تو آپ اس قابل ہوں گے کہ بائبل کی اس اہم سچائی کی بابت واضح سمجھ حاصل کر سکیں۔‏

‏[‏صفحہ ۳ پر بکس/‏تصویر]‏

آپکے خیال میں ہرمجدون کیا ہے؟‏

‏• نیوکلیئر تباہی

‏• ماحولیاتی تباہی

‏• اجرامِ‌فلکی کا زمین سے ٹکراؤ

‏• خدا کا شریروں کو ختم کرنا