ایک اُستاد کے تعصّب پر والدین کا اعتراض
اٹلی میں کیسانو مُرجی کے ایک پرائمری سکول کے اُستاد نے اپنے کچھ طالبعلموں کے ہاتھ اُنکے گھر میں سٹیکر بھجوائے۔ یہ سٹیکر گھر کے دروازے پر چسپاں کرنے کیلئے دئے گئے تھے، جن پر لکھا ہوا تھا: ”ہم کیتھولک ہیں۔ یہوواہ کے گواہوں کو مطلع کِیا جاتا ہے کہ اس دروازے پر دستک نہ دیں۔“
بعض طالبعلموں کے والدین نے یہوواہ کے گواہ نہ ہونے کے باوجود، اُستاد کے اس عمل پر سخت اعتراض کِیا۔ اخبار موویٹی موویٹی کے مطابق، والدین نے اس فکرمندی کا اظہار کِیا کہ ’بچوں کے ذہن میں ایسی بات ڈالنا اُنہیں فرق سوچ اور ”فرق“ مذہب کے حامل کسی بھی شخص کو ردّ کرنے کی تحریک دیتا ہے۔‘ ایک ماں نے اس اخبار کو لکھا کہ یہ سٹیکر ”جہالت اور حماقت کی پیداوار اور فرقہواریت کا تخم ہے۔“
اِس رپورٹ سے ظاہر ہوتا ہے کہ بہتیرے خلوصدل لوگ تعصّب کے بیج بونے کے خطرات سے واقف ہیں۔ وہ اٹلی اور دُنیابھر میں یہوواہ کے گواہوں کی مسیحی خدمتگزاری کی قدر کرتے ہیں۔ کیوں نہ یہوواہ کے گواہوں سے ’اُن کی اُمید کی وجہ‘ پوچھی جائے؟ وہ خوشی اور ”گہرے احترام“ کے ساتھ آپ سے اس موضوع پر باتچیت کریں گے۔—۱-پطرس ۳:۱۵، اینڈبلیو۔