یُوایل

 2 ‏”‏بزرگو!‏ سنو؛‏

ملک*‏ کے سب باشندو!‏ دھیان سے سنو۔‏

کیا تمہارے زمانے میں یا تمہارے باپ‌دادا کے زمانے میں

ایسا کچھ ہوا ہے؟‏

 3 اِس بارے میں اپنے بیٹوں کو بتاؤ؛‏

تمہارے بیٹے اپنے بیٹوں کو بتائیں

اور اُن کے بیٹے اگلی پُشت کو بتائیں۔‏

 4 جو کچھ ہڑپنے والی ٹڈیوں سے بچا، اُسے ٹڈی‌دَل نے کھا لیا؛‏

جو کچھ ٹڈی‌دَل سے بچا، اُسے بغیر پَروں والی ٹڈیوں نے کھا لیا

اور جو کچھ بغیر پَروں والی ٹڈیوں سے بچا، اُسے بھوکی ٹڈیوں نے کھا لیا۔‏

مے پینے والو!‏ تُم سب دھاڑیں مار مار کر رو

کیونکہ تمہارے مُنہ سے میٹھی مے چھین لی گئی ہے۔‏

 7 اُس نے میری انگور کی بیل تہس‌نہس کر دی ہے

اور میرے اِنجیر کے درخت کا صرف مُڈھ*‏ چھوڑا ہے؛‏

اُس نے اُن کی پوری چھال اُتار کر اُنہیں اِدھر اُدھر پھینک دیا ہے

 8 تُم اُس کنواری*‏ کی طرح دھاڑیں مار مار کر رو

جو اپنے دُلہے*‏ کی موت پر ٹاٹ پہن کر ماتم کرتی ہے۔‏

 9 یہوواہ کے گھر میں اناج کا نذرانہ اور مے کا نذرانہ آنا بند ہو گیا ہے؛‏

یہوواہ کی خدمت کرنے والے کاہن ماتم کر رہے ہیں۔‏

10 کھیت اُجاڑ دیا گیا ہے؛ زمین سوگ منا رہی ہے؛‏

اناج برباد کر دیا گیا ہے؛ نئی مے سُوکھ گئی ہے؛ تیل ختم ہو گیا ہے۔‏

11 کسان مایوس ہیں اور انگور کے باغوں کے مالی دھاڑیں مار مار کر رو رہے ہیں

کیونکہ گندم اور جَو تباہ ہو گئی ہے؛‏

کھیت کی فصل تہس‌نہس ہو گئی ہے؛‏

12 انگور کی بیل مُرجھا گئی ہے؛‏

اِنجیر کا درخت سُوکھ گیا ہے؛‏

انار، کھجور، سیب بلکہ میدان کے سارے درخت سُوکھ گئے ہیں؛‏

لوگوں کی خوشی شرمندگی میں بدل گئی ہے۔‏

13 کاہنو!‏ ٹاٹ اوڑھ کر*‏ ماتم کرو؛‏*‏

قربان‌گاہ پر خدمت کرنے والو!‏ دھاڑیں مار مار کر رو؛‏

میرے خدا کی خدمت کرنے والو!‏ آؤ اور ٹاٹ اوڑھ کر رات گزارو

کیونکہ تمہارے خدا کے گھر میں اناج کا نذرانہ اور مے کا نذرانہ آنا بند ہو گیا ہے۔‏

اپنے خدا یہوواہ کے گھر میں بزرگوں اور ملک کے سب باشندوں کو اِکٹھا کرو

اور مدد کے لیے یہوواہ کو پکارو۔‏

یہوواہ کا دن قریب ہے!‏

وہ دن لامحدود قدرت کے مالک کی طرف سے تباہی لائے گا!‏

16 ہماری آنکھوں کے سامنے سے کھانا اُٹھا لیا گیا ہے؛‏

ہمارے خدا کے گھر سے خوشیاں اور جشن ختم کر دیا گیا ہے۔‏

19 اَے یہوواہ!‏ مَیں تجھے پکاروں گا

کیونکہ آگ نے ویرانے کی چراگاہیں بھسم کر دی ہیں

اور شعلوں نے میدان کے سارے درخت ہڑپ لیے ہیں۔‏

20 جنگلی جانور بھی تجھ پر آس لگائے ہوئے ہیں

کیونکہ ندیاں سُوکھ گئی ہیں

اور آگ نے ویرانے کی چراگاہیں بھسم کر دی ہیں۔“‏

ملک*‏ کے سب باشندے تھرتھر کانپیں

کیونکہ یہوواہ کا دن آ رہا ہے!‏ وہ دن قریب ہے!‏

 2 وہ تاریکی اور گھپ اندھیرے کا دن ہے؛‏

کالے گھنے بادلوں کا دن؛‏

وہ صبح کی روشنی کی طرح ہے جو پہاڑوں پر پھیلتی جاتی ہے۔‏

ایک ایسی طاقت‌ور قوم ہے جس کے لوگ بے‌شمار ہیں؛‏

ایسی قوم نہ پہلے کبھی ہوئی اور نہ پھر کبھی ہوگی،‏

ہاں، نسل‌درنسل نہیں ہوگی۔‏

 3 اُس کے آگے آگے آگ تباہ کرتی جاتی ہے

اور پیچھے پیچھے شعلہ بھسم کرتا جاتا ہے؛‏

اُس کے آگے باغِ‌عدن جیسا ملک ہے

مگر اُس کے پیچھے اُجڑا ہوا ویرانہ ہے؛‏

اُس سے کچھ بھی نہیں بچ سکتا۔‏

 4 وہ قوم گھوڑوں جیسی دِکھتی ہے؛‏

اُس کے لوگ جنگی گھوڑوں کی طرح دوڑتے ہیں۔‏

 5 جب وہ پہاڑوں کی چوٹیوں پر دوڑتے ہیں تو اُن کا شور رتھوں کی کھڑکھڑاہٹ

اور اُس بھوسے کے چٹخنے کی طرح ہوتا ہے جو آگ میں جل رہا ہو۔‏

 7 وہ جنگجوؤں کی طرح آگے بڑھتے ہیں؛‏

وہ فوجیوں کی طرح دیوار پھلانگ جاتے ہیں؛‏

اُن میں سے ہر ایک اپنی اپنی صف میں آگے بڑھتا ہے

اور اپنے راستے سے اِدھر اُدھر نہیں ہوتا؛‏

 8 وہ ایک دوسرے کو دھکا نہیں دیتے؛‏

ہر کوئی اپنے اپنے راستے پر آگے بڑھتا جاتا ہے؛‏

اگر اُن میں سے کچھ ہتھیار کے وار سے گِر بھی جائیں

تو باقی اپنی صف نہیں توڑتے؛‏

سورج اور چاند تاریک ہو جاتے ہیں

اور ستاروں کی روشنی بجھ جاتی ہے۔‏

اُس کا حکم پورا کرنے والا طاقت‌ور ہے؛‏

یہوواہ کا دن عظیم اور اِنتہائی حیرت‌انگیز ہے؛‏

12 یہوواہ فرماتا ہے:‏ ”‏اب بھی وقت ہے؛ پورے دل سے میرے پاس لوٹ آؤ،‏

روزہ رکھو اور دھاڑیں مار مار کر رو۔‏

13 اپنے کپڑوں کو نہیں بلکہ اپنے دلوں کو چاک کرو

اور یہوواہ اپنے خدا کے پاس لوٹ آؤ

کیونکہ وہ مہربان*‏ اور رحیم ہے، وہ جلدی غصہ نہیں کرتا اور اُس کی اٹوٹ محبت کی کوئی اِنتہا نہیں۔‏

وہ آفت نازل کرنے کے فیصلے پر دوبارہ غور کرے گا۔‏*‏

14 ہو سکتا ہے کہ خدا اپنے فیصلے پر دوبارہ غور کرے،‏*‏ اِسے بدل دے

اور تمہیں برکت دے

تاکہ تُم یہوواہ اپنے خدا کے حضور اناج کا نذرانہ اور مے کا نذرانہ پیش کر سکو۔‏

17 ڈیوڑھی اور قربان‌گاہ کے بیچ

یہوواہ کی خدمت کرنے والے کاہن رو رو کر کہیں:‏

‏”‏اَے یہوواہ!‏ اپنے بندوں پر ترس کھا؛‏

اپنی وراثت کو مذاق نہ بننے دے؛‏

قوموں کو اُن پر حکمرانی نہ کرنے دے۔‏

18 پھر یہوواہ اپنے ملک کے لیے غیرت دِکھائے گا

اور اپنے بندوں پر رحم*‏ کرے گا۔‏

‏”‏مَیں تمہیں اناج، نئی مے اور تیل دوں گا

اور تُم جی بھر کر کھاؤ پیو گے؛‏

اب سے مَیں تمہیں قوموں کے درمیان رُسوا نہیں ہونے دوں گا۔‏

20 مَیں شمال سے آنے والے دُشمن کو تُم سے دُور بھگا دوں گا؛‏

مَیں اُسے سُوکھے اور بنجر علاقے میں تتربتر کر دوں گا؛‏

مَیں اُس کی فوج کے اگلے دستے کو مشرقی سمندر*‏ کی طرف

اور پچھلے دستے کو مغربی سمندر*‏ کی طرف بکھیر دوں گا۔‏

اُس سے بدبُو اُٹھے گی،‏

اُس سے بہت گندی بُو اُٹھتی رہے گی

کیونکہ خدا عظیم کام کرے گا۔“‏

22 میدان کے جانورو!‏ مت ڈرو

کیونکہ ویرانے کی چراگاہیں ہری بھری ہو جائیں گی

اور درخت پھل دیں گے؛‏

اِنجیر کا درخت اور انگور کی بیل بھرپور پھل ضرور دے گی۔‏

23 صِیّون کے بیٹو!‏ اپنے خدا یہوواہ کی وجہ سے خوشی مناؤ اور باغ باغ ہو

کیونکہ وہ تُم پر مناسب مقدار میں خزاں کی بارش برسائے گا

اور تُم پر خوب برسات کرے گا؛‏

وہ تُم پر پہلے کی طرح خزاں اور بہار کی بارش برسائے گا۔‏

24 کھلیانوں*‏ میں خالص اناج کے ڈھیر لگ جائیں گے

اور حوض نئی مے اور تیل سے لبالب بھر جائیں گے۔‏

25 مَیں اُن سالوں میں ہونے والے تمہارے نقصان کی بھرپائی کر دوں گا

جن میں ٹڈی‌دَل، بغیر پَروں والی ٹڈیوں، بھوکی ٹڈیوں اور ہڑپنے والی ٹڈیوں نے تباہی مچائی۔‏

یہ میری بڑی فوج تھی جو مَیں نے تمہارے درمیان بھیجی تھی۔‏

26 تُم ضرور جی بھر کر کھاؤ گے

اور اپنے خدا یہوواہ کے نام کی بڑائی کرو گے

جس نے تمہاری خاطر حیران‌کُن کام کیے ہیں۔‏

میرے بندوں کو پھر کبھی شرمندہ نہیں ہونا پڑے گا۔‏

27 تمہیں پتہ چل جائے گا کہ مَیں اِسرائیل کے بیچ ہوں

اور مَیں یہوواہ تمہارا خدا ہوں اور میرے سوا کوئی نہیں!‏

28 اِس کے بعد مَیں ہر طرح کے لوگوں پر اپنی روح*‏ نازل کروں گا

اور تمہارے بیٹے اور بیٹیاں نبوّت کریں گے،‏

تمہارے بزرگ خواب دیکھیں گے

اور تمہارے جوان رُویا دیکھیں گے۔‏

29 اُس زمانے میں مَیں اپنے غلام مردوں اور غلام عورتوں پر بھی

اپنی روح نازل کروں گا۔‏

30 مَیں آسمان اور زمین پر حیران‌کُن نشانیاں دِکھاؤں گا

یعنی خون اور آگ اور دُھوئیں کے بادل۔‏

31 اِس سے پہلے کہ یہوواہ کا عظیم اور حیرت‌انگیز دن آئے،‏

سورج تاریک ہو جائے گا اور چاند خون بن جائے گا۔‏

32 جو بھی شخص یہوواہ کا نام لیتا ہے، وہ نجات پائے گا

کیونکہ جیسے یہوواہ نے فرمایا ہے، کوہِ‌صِیّون پر اور یروشلم میں وہ لوگ ہوں گے جو بچ جائیں گے،‏

ہاں، وہ لوگ جنہیں یہوواہ بُلاتا ہے۔“‏

3 ‏”‏کیونکہ دیکھو!‏ اُن دنوں اور اُس وقت

جب مَیں یہوداہ اور یروشلم کے لوگوں کو قید سے واپس لاؤں گا

 2 تو مَیں ساری قوموں کو بھی جمع کروں گا

اور اُنہیں نیچے وادیِ‌یہوسفط*‏ میں لاؤں گا؛‏

وہاں مَیں اپنے بندوں اور اپنی وراثت اِسرائیل کی خاطر

اُن کی عدالت کروں گا

کیونکہ اُنہوں نے میرے بندوں کو قوموں میں تتربتر کر دیا

اور میرے ملک کو آپس میں بانٹ لیا۔‏

 3 اُنہوں نے میرے بندوں پر قُرعہ ڈالا؛‏

اُنہوں نے جسم‌فروش عورتوں کے بدلے لڑکوں کو بیچا

اور مے پینے کے لیے لڑکیوں کو۔‏

 4 اَے صور اور صیدا اور فِلِستیہ کے سب علاقو!‏

تمہاری جُرأت کیسے ہوئی کہ تُم میرے ساتھ ایسا کرو ؟‏

اگر تُم مجھ سے بدلہ لے رہے ہو

تو مَیں فوراً تمہارا کِیا تمہارے سامنے لاؤں گا۔‏

 5 تُم نے میرا سونا چاندی لے لیا

اور میرے بہترین خزانے اپنے مندروں میں لے گئے؛‏

 6 تُم نے یہوداہ اور یروشلم کے لوگوں کو یونانیوں کے ہاتھ بیچ دیا

تاکہ اُنہیں اُن کے علاقے سے دُور کر دو

 7 اِس لیے مَیں اُنہیں اُس جگہ سے واپس لاؤں گا جہاں تُم نے اُنہیں بیچ دیا تھا

اور تمہارا کِیا تمہارے سامنے لاؤں گا۔‏

 8 مَیں تمہارے بیٹے بیٹیوں کو یہوداہ کے لوگوں کے ہاتھ بیچ دوں گا

اور وہ اُنہیں دُوردراز رہنے والی قوم یعنی سبا کے لوگوں کو بیچ دیں گے

کیونکہ یہوواہ نے خود یہ فرمایا ہے۔‏

12 ‏”‏قوموں کو جوش دِلاؤ اور وہ وادیِ‌یہوسفط میں آئیں

کیونکہ مَیں وہاں بیٹھ کر اِردگِرد کی سب قوموں کی عدالت کروں گا۔‏

14 فیصلے کی وادی میں بِھیڑ ہی بِھیڑ ہے

کیونکہ فیصلے کی وادی میں یہوواہ کا دن قریب ہے۔‏

15 سورج اور چاند تاریک ہو جائیں گے

اور ستاروں کی روشنی بجھ جائے گی۔‏

16 یہوواہ صِیّون سے گرجے گا؛‏

وہ یروشلم سے آواز بلند کرے گا

اور آسمان اور زمین لرز جائیں گے

مگر یہوواہ اپنے بندوں کی پناہ‌گاہ ہوگا

اور اِسرائیل کے لوگوں کا قلعہ۔‏

یروشلم ایک مُقدس جگہ بن جائے گا

اور اجنبی*‏ اُس میں سے پھر کبھی نہیں گزریں گے۔‏

18 اُس دن پہاڑوں سے میٹھی مے ٹپکے گی؛‏

پہاڑیوں سے دودھ بہے گا

اور یہوداہ کی سب ندیاں پانی سے بھر جائیں گی؛‏

یہوواہ کے گھر سے ایک چشمہ بہے گا

جس سے کیکر کے درختوں کی وادی سیراب ہوگی۔‏

19 لیکن مصر اُجڑ جائے گا

اور ادوم اُجڑا ہوا ویرانہ بن جائے گا

کیونکہ اُنہوں نے یہوداہ کے لوگوں پر ظلم ڈھایا

اور اُن کے ملک میں بے‌گُناہوں کا خون بہایا۔‏

20 مگر یہوداہ ہمیشہ آباد رہے گا

اور یروشلم نسل‌درنسل۔‏

21 مَیں اُن کے خون کو بے‌قصور خیال کروں گا

جسے مَیں نے بے‌قصور خیال نہیں کِیا تھا