Olonepa Vipi Vivali vi Lekisa Esunga Lieci Suku ka Tambuluila Olohutililo Vimue?

Etambululo Liembimbiliya

Kuli olohutililo vimue okuti ka vi taviwa la Suku. Kũlĩhĩsa olonepa vivali vi lekisa esunga lieci ka tambuluila olohutililo vimue.

1. Ohutililo ka yi li kuata locipange ca Suku

Suku ka tambulula olohutililo vina ka vi likuata locipango caye ale lolonumbi viaye ndomo ca lekisiwa Vembimbiliya. (1 Yoano 5:14) Embimiliya li pisa ocipululu, okuti ca siata oku vetiyiwa luhembi. (1 Va Korindo 6:9, 10) Ocili okuti Suku ka ka yeva olohutilulo liove nda wa likutilila kokuaye locimaho coku tambula olombongo. Pole ca sunguluka oku ci linga. Kũlĩhĩsa ovina vimue okuti omanu ka va pondola oku vi pinga ku Suku!

2. Omunu o likutilila o linga ovina ka via sungulukile

Suku ka yevi omunu una okuti o linga ovina ka via sungulukile ocipango. Sokolola eci Suku a sapuila omanu vana va litukula okuti vo wumba pole va linga ovina ka via sungulukile: “Eci vu likutilila olohutililo via lua siu yevi, momo ovaka ene a kusuka ngẽ osonde.” (Isaya 1:15) Pole nda va liwekelepo oku lingila evĩho Suku eye nda wa yeva olohutililo liavo.—Isaya 1:18.