Угаадыглыг чугаалар номунда 7-ги эгеде болуушкунга Иегованың кандыг-даа бараалгакчызы таваржып болур. Ындыг бачыт үүлгеткен кижи шупту чүве хенертен болганын кайгаар. Эрткен болуушкуннарны сактып кээр болза, шупту чүве канчаар болганын көрүп каар. Иеговага ынак эвес улус-биле эдеришкен чадавас. Азы барган черлери, дыштанылгазы, кирген сайтылары христианнарга көңгүс таарышпас турган. Мөргүвейн, Бурганның Сөзүн номчувайн, чыыштарже барбайн, суртаалдавайн барганындан база бооп болур. Чугаалар номунда аныяк оолду улуг бачытка чедирген таварылга хенертен болган деп болбас. Биске ол төөгүде кандыг кичээл бар? Чүгле бачыттан эвес, харын-даа аңаа чедирер бүгү чүүлден ойталаар ужурлуг бис. Шак-ла ындыг оваарындырыгны аныяк оол биле мөзүзү куду херээженниң төөгүзүнде көргүскен (Мф. 5:29, 30). w24.07 ар. 16, абз. 10, 11

Ол эртине-байлак — үнелиг бараалгалывыс (2 Кор. 4:1). Өөрүшкүлүг медээни суртаалдааш, кижилерниң чуртталгазын камгалап турар болгай бис. Дой савалар дээрге кымнарыл? Бурганның бараалгакчылары. Павел ол деңнелгени чүге ажыглаан? Бурунгу үеде садыгжылар үнелиг барааннарны: аъш-чемни, кызыл араганы, акшаны дой саваларга дажыыр чораан. Бис база үнелиг медээни кижилерге чедирип турар бис. Бурган ол даалганы күүседир күштү берип, бис дээш сагыш човап турар. Дөмей-ле чамдыкта улус чүнү чугаалаар ирги азы биске хора чедириптер дээш корткаш, чугаа эгелээринден диттикпес бис. Ындыг коргушка алыспазынга чүү дузалаар? Суртаалдаарын хоруп каарга, элчиннер чүү деп мөргээнин сактып келиңер. Олар коргушка алыспайн, харын-даа Иеговадан коргуш чок суртаалдаар күштү дилээрге, Бурган дораан харыылаан (Аж.-ч. 4:18, 29, 31). Кижилерден коргуушкун бисти хөме ап кээр үе турар. Бис база кандыг-даа коргушту эзилдириптер ынакшылды сайзырадырынга дузалаарын Иеговадан дилээр ужурлуг бис. w24.04 ар. 16, абз. 8, 9

Иеговага ынакшылывыс бисти ооң адын алдаржыдарынче оттуруп турар. Эрликтиң бужар мегезинден Бурганның адын арыглаар күзелдиг бис (Э. д. 3:1—5; Иов 2:4; Ин. 8:44). Бисти дыңнаарынга белен улуска Бурганның дугайында алыс шынны чугаалап, аңаа болчуп турар бис. Кижилер бистиң ышкаш билиглерлиг болзун деп күзээр бис. Бурганның дээди шынары — ынакшыл. Ооң чөптүг, шынныг чагыргазы удавас бүгү хилинчекти узуткааш, кижи төрелгетенге тайбыңны, аас-кежикти эккээр (Ыд. ыр. 36:10, 11, 29; 1 Ин. 4:8). Иегованың ат-алдарын камгалап, ону алдаржыдар бис. Иегованың Херечилери деп адывыска дүүштүр чурттап чоруур бис. w24.05 ар. 18, абз. 12