A feruri ia oe i roto i ta oe e taio ra

I roto i te Bibilia, e rave rahi faatiaraa o te horoa ra i te mau haapiiraa faufaa. Ia feruri oe ia oe i roto i tera mau faatiaraa, e taa maitai aˈe ïa ia oe ta oe e taio ra e e faufaahia ˈtu â oe i te reira. Teie te tahi mau manaˈo tauturu:

• A taio ma te reo puai. E tauturu te reira ia oe ia ite maitai i te tupuraa o te aamu Bibilia. E ia taio outou te utuafare i te Bibilia, e nehenehe e horoa na te mero tataitahi e taio i ta te feia i roto i te aamu e faahiti ra.

• A feruri i te tupuraa o te aamu. A tamata i te apo mai i te mau manaˈo e huru aau o te feia i roto i te aamu. Ei hiˈoraa, a ui ia oe iho: ‘No te aha teie taata i parau ai aore ra i haa ˈi mai tera? O vau aˈe tera, mai te aha to ˈu huru?’

• A hamani i te mau hohoˈa. Maoti te mau hohoˈa, e ite maitai oe eaha ta oe e taio ra, e mau maitai aˈe atoa ia oe. A tamata noa ˈtu e ere oe mea aravihi no te hamani i te mau hohoˈa.