No te aha tatou e ora ˈi?

Te pahonoraa a te Bibilia

Ia feruri tatou no te aha tatou e ora ˈi, e feruri atoa tatou mea faufaa anei to ˈu oraraa. Te faaite maira te Bibilia e te ora nei tatou no te riro ei hoa no te Atua. A tapao na i teie mau pue parau mau ta te Bibilia e faaite mai ra.

Ua poiete te Atua ia tatou. Teie ta te Bibilia e parau ra: “Na [te Atua] i hamani ia tatou, e no ˈna tatou.”—Salamo 100:3; Apokalupo 4:11.
Ua poiete te Atua i te mau mea atoa, ia tatou atoa, no te hoê opuaraa taa maitai.—Isaia 45:18.
Ua poiete te Atua ia ‘hiaai tatou i te mau mea pae varua’, oia atoa ia imi nafea ia fanaˈo i te hoê oraraa maitai. (Mataio 5:3) Te hinaaro nei te Atua ia haamâha tatou i tera hiaai.—Salamo 145:16.
Te haamâha ˈtu nei tatou i to tatou mau hinaaro i te pae varua ma te riro ei hoa no te Atua. Te tiaturi nei te tahi mau taata e eita hoê aˈe taata e nehenehe e riro ei hoa no te Atua. Teie râ ta te Bibilia e parau mai ra: “A faafatata ˈtu i te Atua, e e faafatata mai oia ia outou.”—Iakobo 4:8; 2:23.
No te riro ei hoa no te Atua, e titauhia ia tatou ia ora ia au i ta ˈna i opua no tatou. Te haapapu ra te Bibilia i te reira i roto i te Koheleta 12:13: “A mǎtaˈu i te Atua mau e a haapao i ta ˈna mau faaueraa, tera noa hoi te hopoia a te taata [aore ra, “te tumu i poietehia ˈi tatou”, Good News Translation].”
Fatata tatou i te ora i te hoê oraraa mau ia au i te opuaraa tumu a te Atua no tatou, a faaore ai oia i te mauiui e a horoa ˈi oia i te ora mure ore i to ˈna mau hoa, o te feia ïa o te haamori nei ia ˈna.—Salamo 37:10, 11.