E nohoraa taa maitai anei to te Atua?

Te pahonoraa a te Bibilia

E. Te ora ra te Atua i te hoê vahi taa maitai, oia hoi i te raˈi. A hiˈo na i teie mau irava Bibilia:

Ua pure te arii Solomona i te Atua: “A faaroo mai na mai te raˈi mai, te vahi e parahi ai oe.”—Te mau arii 1, 8:43.

Ua haapii Iesu Mesia i ta ˈna mau pǐpǐ ia pure i te Atua ma te parau: “To matou Metua i te raˈi.”—Mataio 6:9.

I muri aˈe i te tia-faahou-raa o Iesu, ua tomo o ˈna i roto “i te raˈi, a tia ˈtu ai oia i teie nei i mua i te Atua.”—Hebera 9:24.

Te haapapu ra teie mau irava e te vai mau ra te Atua ra o Iehova e te noho ra oia i te raˈi, aita râ i te mau vahi atoa.