No te aha outou e haere ai i tera e tera fare?

Ua parau Iesu i ta ˈna mau pǐpǐ matamua ia “faariro i te mau fenua atoa ei pǐpǐ.” (Mataio 28:19, 20) I to Iesu tonoraa ˈtu ia ratou, ua faaue oia ia ratou ia haere i te fare o te taata. (Mataio 10:7, 11-13) I muri aˈe i to Iesu poheraa, ua poro â te mau Kerisetiano o te senekele matamua “i te vahi taata, e i tera fare, i tera fare.” (Ohipa 5:42; 20:20) Te pee nei matou i te hiˈoraa o te mau Kerisetiano matamua. E ravea maitai iho â te pororaa i tera e tera fare no te farerei i te taata.