Te mau fifi o te natura: Eaha ta te Faatereraa arii a te Atua e rave?

“Te faatupu ra te tauiuiraa o te huru o te reva i te ahoaho rahi i nia i te taata, i roto i te mau oire e i nia i te mau mea ora atoa i te hoê â vahi taa maitai. No te tauiuiraa o te huru o te reva, ua vavahi te mau mataˈi puai mau i te mau fare o te taata, e te imiraa a te taata na te ao nei. No te âhu o te moana, e nehenehe te mau iˈa e pohe.”—Inger Andersen, mono papai parau rahi o te Hau amui e faatere rahi o te porotarama Hau amui no te natura, 25 no Tiurai 2023.

E nehenehe anei te mau faatereraa e tahoê ia ratou no te faaafaro i te mau fifi na te ao nei? E nehenehe anei ta ratou e hopoi mai i te mau ravea mau?

Te faataa ra te Bibilia i te hoê faatereraa o te nehenehe e faaafaro i te mau fifi atoa o te natura. Te na ôhia ra: “E haamau te Atua o te raˈi i te hoê faatereraa arii,” te hoê faatereraa o te aratai i te mau ohipa atoa o te fenua. (Daniela 2:44) I raro aˈe i teie faatereraa, eita te taata e ‘hamani ino e e tuino’ te tahi i te tahi aore ra i te fenua.—Isaia 11:9.