Te feia poritita piˈo: Eaha ta te Faatereraa arii a te Atua e rave?

E hinaaro te taata i te mau taata faatere o ta ratou e tiaturi, ua fiu roa ratou i te feia poritita piˈo. Ua piahia te hoê titorotororaa i 2023 e ua iti mai te tiaturiraa o te taata i te mau taata faatere.a

Te faataa ra te Bibilia i te hoê Aratai o te hoê faatereraa e nehenehe e tiaturihia e aita e ohipa piˈo. Teie faatereraa o te Faatereraa arii a te Atua e te Aratai o Iesu Mesia.—Isaia 9:7.

Ua faaite Iesu e te tâuˈa mau ra oia i te taata. (Mataio 9:35, 36) Ei Arii o te Faatereraa arii a te Atua, e hopoi mai oia i te parau-tia e te hau na te feia e farii i ta ˈna aratairaa.—Salamo 72:12-14.