Te mau pape pue ino mau: Eaha ta te Bibilia e parau ra?

Na te ao atoa nei, mea rahi te taata o te faaruru ra i te pape pue ino mau. A tapao na i teie mau faatiaraa:

• I te Mahana maa tae atu i te Mahana toru, e 744,8 milimetera pape tei topa.”—AP News, 2 no Atete 2023.

• Ei faahopearaa, ua pohe e piti taata. . . . Ua faatupu atoa te mataˈi rorofai fatata 600 milimetera pape i te fenua mouˈa o Taïwan.”—Deutsche Welle, 3 no Atete 2023.

• Aita teie tupuraa i itehia aˈenei o na 50 matahiti i mairi aˈenei, i Kanada Ataranitita.”—BBC News, 24 no Tiurai 2023.

Eaha ta te Bibilia e parau ra no nia i tera mau tupuraa?

Hoê tapao o “te mau mahana hopea”

Te faaite ra te Bibilia e te ora ra tatou i te hoê tau parauhia “te mau mahana hopea.” (Timoteo 2, 3:1) Ua tohu Iesu e i te roaraa o taua mau mahana ra, e ite tatou “te mau mea riaria” aore ra te mau tupuraa riaria. (Luka 21:11) O te tauiraa o te ahuaraˈi te tumu o teie mau ati natura, o te rahi noa ˈtu ra e te puai atoa ra.

Te hoê tiaturiraa papu

Te parau mai ra te Bibilia e ia ite tatou i tera rahiraa tupuraa riaria mau, e tumu ïa to tatou no te tiaturi. No te aha? Ua parau hoi Iesu: “Ia ite outou i teie mau mea ia tupu, ua fatata ïa te Faatereraa arii a te Atua.”—Luka 21:31; Mataio 24:3.

E tapao teie mau tupuraa e i raro aˈe i te Faatereraa arii a te Atua, e haavî-roa-hia teie mau mea natura, mai te faaohuraa o te pape.—Ioba 36:27, 28; Salamo 107:29.

No te ite atu â e nafea te Faatereraa arii a te Atua e faaora ˈi i te fenua, a taio i te tumu parau “Na vai e faaora i te fenua?”