Te maraa noa ra te fifi i te pae feruriraa o te feia apî: Eaha ta te Bibilia e parau ra?

I te Monire 13 no Fepuare 2023, ua pia te Pu Marite no te hiˈopoaraa i te maˈi no nia i te ea i te pae feruriraa o te feia apî no Marite. Ua tapao ratou ua hau atu 40 i nia i te hanere piahi no te haapiiraa tuarua tei topa i roto i te hepohepo rahi e te toaruaru no te hoê tau maoro.

Ua parau Kathleen Ethier, te taata haapao i te ea o te feia apî e i te fare haapiiraa: “I te roaraa o na 10 matahiti, ua ite matou e te ino noa ra te fifi i te pae feruriraa o te feia apî. Aita i itehia aˈenei te maraaraa o te fifi i te pae feruriraa e te manaˈo e haapohe o te mau tamahine.”

Teie tei tapaohia:

• Ua hau atu 1 i nia i te 10 tamahine apî (14 i nia i te hanere) tei faahepohia ia taoto e te tahi atu o ta ratou i ore i hinaaro. Te parau ra Ethier: “Mea peapea mau â. I nia 10 tamahine, hoê aore ra hau atu ua maferahia.”

• Fatata 1 i nia e 3 tamahine apî (30 i nia i te hanere) o te hinaaro roa ra e haapohe ia ratou.

• Fatata 3 i nia e 5 tamahine apî (57 i nia i te hanere) tei topa i roto i te hepohepo rahi e te toaruaru.

Mea peapea mau teie mau numera. E taime oaoa te apîraa. Eaha te nehenehe e tauturu i te feia apî ia faaruru i te hepohepo i teie mahana? Eaha ta te Bibilia e parau ra?

Te horoa mai ra te Bibilia i te manaˈo tauturu

Te faataa maitai ra te Bibilia e tau hepohepo mau ta tatou e ora ra i teie mahana, o tei piihia “te mau mahana hopea, e tau ino mau.” (Timoteo 2, 3:1-5) Tera râ, te horoa ra te Bibilia i te mau aˈoraa no te tauturu e rave rahi mirioni feia apî na te ao nei ia faaruru i te mau fifi. E hiˈo anaˈe i te mau tumu parau i muri nei:

• E mai te peu, aita vau e hinaaro e ora?

• Hinaaro vau e pohe. E nehenehe anei te Bibilia e tauturu mai ia aro i tera mau manaˈo?

• No te aha e faaoromai ai?

• Nafea ia faaruru i te hepohepo?

• Nafea ia haapae i te mau manaˈo tano ore?

• Nafea ia faaruru i te haapeapearaa?

• Nafea ia haavî i to tatou huru?

• Oaoa roa vau i teie nei (Hohoˈa papaihia)

• Nafea vau i mua i te hamani-ino-raa?

• Nafea vau i mua i te hamani-ino-raa na roto i te roro uira?

• Ia upootia oe ma te ore e tupai! (Hohoˈa papaihia)

• E nafea i mua i te faaheporaa e taoto?

• Eaha te titauhia ia ite no nia i te rave-ino-raa? (Tuhaa 1): A ara

• Eaha te titauhia ia ite no nia i te rave-ino-raa? (Tuhaa 2): Te tauturu atu

Te horoa ra te Bibilia i te manaˈo tauturu na te mau metua

Te horoa atoa ra te Bibilia i te mau aratairaa na te mau metua ia nehenehe ratou e tauturu i ta ratou mau tamarii ia faaruru i te mau fifi. E hiˈo anaˈe i to muri nei mau tumu parau niuhia i nia i te Bibilia:

• La dépression chez les jeunes : comprendre et faire face

• Ia hepohepo roa ta oe tamahine

• Eaha te rave ia hamani-ino-hia ta ˈu tamarii?

• Si votre adolescent se mutile

• Tamarii e te reni faahoaraa (Tuhaa 1): E tia anei ia faaohipa ta ˈu tamarii i te reni faahoaraa?

• Tamarii e te reni faahoaraa (Tuhaa 2): A paruru i ta outou tamarii i te reni faahoaraa

• Tamarii e te niuniu paraparau (Tuhaa 1): E titauhia anei te hoê niuniu paraparau na ta ˈu tamarii?

• Tamarii e te niuniu paraparau (Tuhaa 2): A haapii i ta outou tamarii ia faaohipa maitai te niuniu paraparau

• Te peu e hapono i te poroi e hohoˈa faufau na roto i te vini