A tiaturi e mana to Iehova no te faaora

A taio i te Numera 13:25–14:4 o te faaite ra aita te ati Iseraela i tiaturi ia Iehova.

A hiˈo i te mau irava tapiri. No teihea mau tumu mea tano hoi ia tiaturi ratou e nehenehe ta Iehova e faaora ia ratou? (Sal. 78:12-16, 43-53) No te aha râ ratou i ore ai i tiaturi ia ˈna? (Deut. 1:26-28) Mea nafea to Iosua raua Kaleba faaiteraa mea tiaturi iho â raua ia Iehova?—Num. 14:6-9.

A feruri. Eaha ta te ati Iseraela i nehenehe e rave ia rahi atu â to ratou tiaturi ia Iehova? (Sal. 9:10; 22:4; 78:11) Eaha te tuatiraa i rotopu i te tiaturiraa ia Iehova e te faaturaraa ia ˈna?—Num. 14:11.

A hiˈo eaha te haapiiraa. A ui ia oe iho:

• ‘I roto i teihea mau tupuraa mea huru fifi no ˈu ia tiaturi roa ia Iehova?’

• ‘E nafea ia haapuai i to ˈu tiaturi ia Iehova i teie nei e a muri aˈe?’

• ‘Ua papu maitai ia ˈu i te aha ua haamata anaˈe te ati rahi?’—Luka 21:25-28.