Te haamanaˈo ra anei outou?
Ua taio maitai anei outou i te mau tumu parau i roto i Te Pare Tiairaa? E hiˈo anaˈe e nafea outou ia pahono i teie mau uiraa:
No te aha tatou e faahanahana ˈi ia Iehova?
No to tatou ïa faatura e here rahi ia ˈna, e no to tatou hinaaro ia ite atoa vetahi ê o vai o ˈna.—w25.01, api 3.
Ia haamauiui mai te tahi taata, eaha te tauturu mai ia faaore noa ˈtu i ta ˈna hapa?
Eiaha e tâuˈa ore i to tatou mau huru aau. Ia faaea tatou i te inoino, mea maitai ïa tatou i nia ia vetahi ê.—w25.02, api 15-16.
No te aha e hiˈoraa maitai te pǐpǐ ra o Mareko no te mau taeae apî?
Ua farii Mareko i te tahi hopoia no te tavini ia vetahi ê. Noa ˈtu ua mauiui atoa o ˈna no tei tupu, ua tamau noa Mareko i te tavini ia Iehova. Ua atuatu o ˈna i to ˈna auhoaraa e Paulo e te tahi atu mau Kerisetiano paari aˈe.—w25.04, api 27.
Eaha ta Iesu i hinaaro e parau a pure ai: “Ua faaite au i to iˈoa ia ratou”? (Ioa. 17:26)
Ua ite aˈena ta ˈna mau pǐpǐ o vai te iˈoa o te Atua. Ua faaite atu râ Iesu o vai mau na Iehova, ta ˈna mau opuaraa, ohipa e to ˈna mau huru maitatai.—w25.05, api 20-21.
Mai te peu e aau faahaihai to tatou, eaha te titauhia ia rave tatou?
E farii tatou e aita tatou i ite pauroa. Aita tatou i ite afea te hopea e tae mai ai aore ra eaha ta Iehova e rave i tera taime. Aita atoa tatou i ite eaha te tupu ananahi. Eita atoa e taa ia tatou ta Iehova i ite no nia ia tatou.—w25.06, api 15-18.
E nafea tatou e faufaahia ˈi i te hoê tumu parau aore ra oreroraa parau?
A ui ia outou iho: ‘Eaha te haapapuraa i ǒ nei e parau mau teie haapiiraa Bibilia? Te vai ra anei te tahi faahohoˈaraa ta ˈu e nehenehe e faaohipa no te haapii ia vetahi ê? O vai ma te anaanatae i teie tumu parau?’—w25.07, api 19.
Ua faaore Iehova i te mau hara a Davida. Eaha ta te reira e haapii mai ra no nia ia ˈna?
Noa ˈtu ua hara Davida, ua faaore Iehova i ta ˈna i rave no te mea ua tatarahapa mau â o ˈna. (Arii 1, 9:4, 5) Ia faaore anaˈe Iehova i te hapa, eita o ˈna e inoino noa i te taata rave hara aore ra e faahiti faahou i te reira a muri aˈe.—w25.08, api 17.
Ia ore ia taa i te piahi te tahi tumu parau, eaha te rave?
Ia ore ia taa ia ˈna te tahi tumu parau, aita e fifi. A nuu i mua no te mea e nehenehe orua e hoˈi mai i nia iho i muri mai.—w25.09, api 24.
Te faahiti ra te Bibilia i “te puai haavare o te hara.” (Heb. 3:13) Eaha te auraa?
Te auraa, e turai te hara ia tatou ia rave i te ohipa tano ore e ia feaa i to Iehova here ia tatou.—w25.10, api 16.
Eaha na ravea e toru no te haamaitai i ta tatou mau pure?
(1) A feruri i te mau huru maitatai o Iehova. (2) A feruri i ta oe e faaruru ra e a faaite roa ˈtu ia Iehova. Ei hiˈoraa, ia titauhia ia faaore tatou i te hapa a te tahi taata. (3) Ia pure oe, eiaha e ru. Inaha, no te haamahora i to tatou aau, e titauhia ia faaroa rii i ta tatou mau pure.—w25.10, api 19-20.
E nafea tatou ia tauturu i te feia paari?
E nehenehe tatou e haere e farerei aore ra e niuniu atu. Mai te peu e nehenehe, a haere roa ˈtu na muri ia ratou e hiˈo i te taote. E nehenehe atoa tatou e apiti ia ratou i te mau tuhaa e rave rau o te pororaa.—w25.11, api 6-7.
Eaha te tahi mau ravea ia tura te oroa faaipoiporaa?
A auraro i te mau ture a Kaisara. Ia tura tera mahana, e hinaaro orua ia ite-maitai-hia te mau huru maitatai o Iehova. Ei aau faahaihai noa to orua. A ara i te mau peu tumu aita i roto i te Bibilia. Ia tauaparau maitai orua.—w25.12, api 21-24.