A faaohipa i ta oe “ô pae varua” no te faaitoito ia vetahi ê

E faaitoitohia tatou ia amuimui tatou i to tatou mau taeae e tuahine. Eita râ e navai. Te parau mai ra te Bibilia ia faaitoito tatou te tahi i te tahi e ia haapuai i te faaroo o te tahi e te tahi. E “ô pae varua” hoi te reira. (Roma 1:11, 12) E nafea ïa?

Na roto i ta oe mau parau. Ei hiˈoraa, ia pahono tatou i te mau putuputuraa, e ara tatou eiaha e faarahi i te paraparau no tatou iho. E faahiti râ tatou i ta tatou i haapii mai no nia ia Iehova, te Bibilia e ta ˈna mau tavini taiva ore. Ia paraparau atoa tatou e te mau taeae e tuahine, e faahiti tatou i te mau parau o te haapuai i to ratou faaroo.

Na roto i ta oe mau faaotiraa e ohipa. Ei hiˈoraa, e itoitohia vetahi ia ite mai ratou e to roto noa oe i te taviniraa taime taatoa noa ˈtu e ere mea ohie no oe. Aore ra te tae noa mai ra oe i te putuputuraa o te hebedoma noa ˈtu to oe maˈi aore ra rohirohi no te ohipa.

Te faaitoito ra anei oe i to oe mau taeae e tuahine na roto i ta oe mau parau e ohipa? Te tapaopao atoa ra anei oe e nafea ratou e faaitoito mai ai ia oe?