Ia maitai atu â ta tatou maimiraa

Te mauhaa haapiiraa no te tamarii

Na te mau metua te hopoia e haapii i ta ratou tamarii no nia ia Iehova. (Eph. 6:4) No te tauturu i te mau metua, ua faaineine te faanahonahoraa a Iehova i te mau video, himene e tumu parau. E nafea ia faaohipa i teie mau mauhaa no te haapii i te mau tamarii?

• A haere i nia i te jw.org no te ite eaha tei piahia no te feia apî, te video anei aore ra te tahi mau mauhaa haapiiraa neneihia.a No reira, a patapata i roto i te tuhaa “Maimi” te taˈo “Tamarii” aore ra “Taurearea.”

• I raro aˈe i te tuhaa “Tamarii” e “Taurearea” e nehenehe outou e maiti i te mau mauhaa tano maitai no ta outou tamarii.

• A rave i te taime e ta outou mau tamarii no te aparau no nia i teie mau tuhaa. Eiaha e faaohipa i teie mau video e mauhaa haapiiraa no te faaanaanatae noa ia ratou. Mea faufaa râ ia faaohipa outou i te reira no te tauaparau e no te tauturu i ta outou mau tamarii ia here ia Iehova.