Te paari e fanaˈohia maoti te haere-tamau-raa i nia i te JW.ORG

E tauturu rahi te Bibilia ia tatou ia faaoromai i te mau fifi e itehia i teie mau mahana hopea. (Ti2 3:1, 16, 17) I te tahi taime, e hinaaro tatou i te tauturu no te imi i te aratairaa Bibilia e tano no te hoê tupuraa. Ei hiˈoraa, e metua paha oe o te imi ra i te aˈoraa no te haapii i ta oe mau tamarii. E taurearea paha oe e te tamatahia ra to oe faaroo. Te oto ra paha oe no te mea ua pohe to oe hoa faaipoipo. I nia i te reni jw.org, e nehenehe oe e ite i te mau aratairaa Bibilia taa maitai o te tauturu ia oe i roto i te mau tupuraa atoa.—Mas 2:3-6.

I nia i te jw.org, a pata i nia HAAPIIRAA BIBILIA. (A hiˈo i te hohoˈa 1.) I muri mai, a maiti i te tuhaa ta oe e hinaaro. Aore ra a pata i nia PIAHIA > ANAIRAA TUMU PARAU e a maiti i te tumu parau ta oe e hinaaro. (A hiˈo i te hohoˈa 2.) E nehenehe atoa oe e ite i tera mau tuhaa i nia i te JW Library^®.a Papu maitai e au roa oe i te fanaˈo i taua mau anairaa tumu parau ra maoti tera na piti ravea. No te imi i te hoê tumu parau taa maitai e nehenehe atoa oe e faaohipa i te reni “Maimi” i nia i te jw.org.

A pata i te mau tumu parau i muri nei i roto i te reni “Maimi” e a tapao i te mau tumu parau ta oe e hinaaro e taio.

• Te haapiiraa i te tamarii

• Ia hepohepo ta oe tamarii taurearea

• Ia pohe te hoa faaipoipo