Ia maitai atu â ta tatou haapiiraa
Eaha ta oe e hiˈopoa na mua roa?
O tatou pauroa te tia ia faataa i te taime no te rave i ta tatou iho haapiiraa Bibilia. E nafea râ ia faaohipa maitai i to tatou taime? Na mua roa, eiaha e ru. E faufaa-rahi-hia tatou a rave ai i te taime no te hiˈopoa maite i te hoê haapiiraa, eiaha râ e na niania ˈtu e rave rahi haapiiraa i te hoê â taime.
A faataa ïa eaha ta outou e hiˈopoa na mua roa. (Eph. 5:15, 16) Teie mai te tahi mau manaˈo tauturu:
A taio i te Bibilia i te mau mahana atoa. (Sal. 1:2) E nehenehe outou e haamata ma te rave i te taioraa Bibilia faataahia no te putuputuraa o te hebedoma.
A faaineine maitai i Te Pare Tiairaa e te putuputuraa o te hebedoma ia nehenehe outou e horoa i te pahonoraa.—Sal. 22:22.
Mai te peu e nehenehe, a hiˈo i te mau mea atoa tei matara apî mai, mai te mau vea no te taata atoa, te mau video e tei piahia i nia i te jw.org.
A maiti i te hoê tumu parau taa maitai. E nehenehe outou e rave i te maimiraa i nia i te hoê fifi ta outou e faaruru nei, hoê uiraa ta outou i uiui noa na, aore ra te hoê tumu parau Bibilia ta outou e hinaaro e faahohonu atu â. No te ite mai i te tahi manaˈo tauturu, a hiˈo i te tuhaa “Explore la Bible” i nia i te jw.org.