Arii no apatoerau e no apatoa i te tau hopea
E tupu te tahi mau parau tohu Bibilia i nia i teie hohoˈa i te hoê â taime. Te haapapu ra te reira te ora ra tatou i “te tau hopea.”—Dan. 12:4.
Irava Bibilia: Apo. 11:7; 12:13, 17; 13:1-8, 12
Parau tohu: Ua faatere “te puaa taehae” i to te fenua hau atu i te 3 000 matahiti. I te mau mahana hopea, e pepe te hitu o to ˈna afii. I muri mai, e ora mai tera afii e “pee atura to te fenua atoa” i te puaa taehae. Te faaohipa ra Satani i tera puaa taehae no te “faatupu i te tamaˈi i te toea” faatavaihia.
Tupuraa: I muri aˈe i te diluvi, ua tia mai te mau faatereraa taata no te patoi ia Iehova. Hau atu i te 3 000 matahiti i muri aˈe, i te Tamaˈi rahi matamua, ua pepe roa te hau Beretane. Ua ora mai râ a tahoê atu ai te hau Marite ia ˈna. I te mau mahana hopea, e faaohipa Satani i ta ˈna faanahoraa poritita no te hamani ino i te nunaa o te Atua.
Irava Bibilia: Dan. 11:25-45
Parau tohu: E aro te arii no apatoerau e te arii no apatoa te tahi i te tahi i te roaraa o te mau mahana hopea.
Tupuraa: E aro Heremani i te hau Beretane Marite. I 1945, e amo te faatereraa Rusia tahito i te tiaraa o te arii no apatoerau. I 1991, e topa te faatereraa Rusia tahito. I muri aˈe o Rusia e te mau faatereraa e tahoê ia ˈna te amo i te tiaraa o te arii no apatoerau.
Irava Bibilia: Isa. 61:1; Mal. 3:1; Luka 4:18
Parau tohu: Ua tono Iehova i ta ˈna “vea” no te faaineine i te eˈa hou te Mesia a riro mai ai ei Arii. Na teie pǔpǔ taata i “faaite i te parau oaoa i te [feia] aau mǎrû.”
Tupuraa: Mai te matahiti 1870, ua haamata taeae Russell e to ˈna mau hoa i te faataa i ta te Bibilia e haapii mau ra. I 1881, ua taa ia ratou e titauhia i te mau tavini o te Atua ia poro. Pia aˈera ratou i te tumu parau, “Hinaarohia 1 000 taata poro” e “Faatavaihia no te poro.”
Irava Bibilia: Mat. 13:24-30, 36-43
Parau tohu: Ua ueue te enemi i te zizania i roto i te aua sitona. Ua vaiihohia ia tupu apipiti raua e tapoˈi aˈera te zizania i te sitona e tae noa ˈtu i te tau ootiraa. I reira e faataa-ê-hia ˈi te zizania i te sitona.
Tupuraa: Mai te matahiti 1870, ua itehia o vai te mau Kerisetiano e o vai te feia faahua Kerisetiano. I te roaraa o te mau mahana hopea, e haaputuputuhia te mau Kerisetiano mau e e faataa-ê-hia ˈtu te mau Kerisetiano haavare.
Irava Bibilia: Dan. 2:31-33, 41-43
Parau tohu: Te tapuae avae auri e araea o te hoê tii rahi.
Tupuraa: Te faahohoˈa ra te araea i te mau taata patoi i raro aˈe i te faatereraa Beretane e to te hau Marite. Te haafifi ra teie feia patoi i te hau Beretane Marite eiaha oia ia puai roa mai te auri ra te huru.
Irava Bibilia: Mat. 13:30; 24:14, 45; 28:19, 20
Parau tohu: E haaputuhia “te sitona” i roto i te “fare vairaa maa” e e faatoroahia “te tavini haapao maitai e te paari” i nia i “te mau tavini” o te utuafare. E haamata “te parau apî oaoa o te Faatereraa arii” i te porohia e “ati aˈe te fenua.”
Tupuraa: I 1919, ua faatoroahia te tavini haapao maitai i nia i te nunaa o te Atua. Mai reira mai, ua haapuai noa ˈtu â te Feia haapii Bibilia i roto i te ohipa pororaa. I teie mahana, te poro nei te mau Ite no Iehova i roto hau atu i te 200 fenua e te pia atoa nei i te mau papai na roto hau atu i te 1 000 reo.
Irava Bibilia: Dan. 12:11; Apo. 13:11, 14, 15
Parau tohu: E turai te puaa taehae e piti tara i te taata ia hamani i “te tii o te puaa taehae” e hitu o ˈna afii, e na ˈna e horoa i “te aho i te tii.”
Tupuraa: Na te hau Beretane Marite i hinaaro ia haamauhia te Amuitahiraa o te mau hau faatere e ua turu atoa ˈtu te tahi atu mau faatereraa. Ua tahoê atoa ˈtu te arii no apatoerau i te Amuitahiraa o te mau hau faatere i 1926 e tae roa ˈtu 1933. I muri mai, ua haamauhia te Hau amui. Ua tiaturi e rave rahi maoti te reira e itehia ˈi te hau i nia i te fenua.
Irava Bibilia: Dan. 8:23, 24
Parau tohu: “E rave rahi ra te pau” i te hoê arii riaria mau
Tupuraa: Ua haapohe te hau Beretane Marite e rave rahi taata e e faufaa rahi atoa tei pau ia ˈna. Ei hiˈoraa, i te piti o te Tamaˈi rahi, e pau rahi tei itehia i muri aˈe i na paura atomi e piti ta te hau Marite i taora i nia i to raua enemi.
Irava Bibilia: Dan. 11:31; Apo. 17:3, 7-11
Parau tohu: E na roto mai “te hoê puaa taehae uteute” e ahuru tara to ˈna i te abuso e o ˈna te vaˈu o te arii. I roto i te buka Daniela, te faahohoˈahia ra tera arii i “te mea faufau” o te faatupu i te ano.
Tupuraa: Aita te Amuitahiraa o te mau hau faatere i ohipa faahou i te roaraa o te piti o te Tamaˈi rahi. I muri mai, ua haamauhia te Hau amui. Mai no te Amuitahiraa o te mau hau faatere, e rave rahi taata te tiaturi maoti te Hau amui e itehia ˈi te hau i nia i te fenua. E riri te mau faatereraa o te turu ra i te Hau amui i te mau haapaoraa.
Irava Bibilia: Tes. 1, 5:3; Apo. 17:16
Parau tohu: E faahiti te mau faatere o te ao i te poroi, “Te hau e te ati ore!” e e haamou “na tara hoê ahuru” e “te puaa taehae” i “te vahine taiata.” I muri iho, e haamouhia te mau faatereraa taata atoa.
Tupuraa: E parau te mau faatere o te ao ua roaa ia ratou i te faatupu i te hau e te ati ore i nia i te fenua. E haamou te mau faatereraa e turu ra i te Hau amui i te mau haapaoraa hape atoa. I reira ïa te ati rahi e haamata ˈi. E hope te reira ia haamou-roa-hia te taatoaraa o te faanahoraa o te ao a Satani i Aramagedo.
Irava Bibilia: Ezk. 38:11, 14-17; Mat. 24:31
Parau tohu: E haere mai Goga i te fenua o te nunaa o te Atua. E haaputuputu te mau melahi i te mau “taata maitihia” i te raˈi.
Tupuraa: E aro te arii no apatoerau e te toea o te mau faatereraa o te ao i te nunaa o te Atua. Maa taime i muri aˈe i te haamataraa o tera aroraa, e ravehia ˈtu te toea o te feia faatavaihia no te ora i te raˈi.
Irava Bibilia: Ezk. 38:18-23; Dan. 2:34, 35, 44, 45; Apo. 6:2; 16:14, 16; 17:14; 19:20
Parau tohu: E “upootia roa” tei parahi i nia iho i te “puaarehenua uouo.” E haamouhia Goga e ta ˈna nuu. E hurihia “te puaa taehae” i roto i “te roto auahi” e e “parari” te tii rahi.
Tupuraa: Ei Arii o te Faatereraa a te Atua, e faaora Iesu i te nunaa o te Atua. E turu na 144 000 arii e te mau nuu melahi ia Iesu no te haamou i te mau faatereraa o tei aro i te nunaa o te Atua. E haamou-roa-hia ïa te taatoaraa o te faanahoraa poritita a Satani.