ORARAA KERISETIANO
Te ohipa ra teie mau tiai no te maitai o te nunaa o Iehova
Mea au ore na vetahi i te taata e mana to ratou. Aita tatou e maere ra, inaha ua faaohipa noa te taata i to ratou mana no to ratou iho maitai. (Mi 7:3) Auê tatou i te mauruuru i ta tatou mau matahiapo, ua faaineinehia hoi ratou ia haapao i ta ratou mau hopoia ma te imi i te maitai o te nunaa o Iehova!—Ese 10:3; Mt 20:25, 26.
Taa ê atu i te feia mana o teie nei ao, e haapao te mau matahiapo i ta ratou hopoia no to ratou here ia Iehova e i ta ˈna mau tavini. (Ioa 21:16; Pe1 5:1-3) I raro aˈe i te aratairaa a Iesu, e farii popou teie mau tiai i te taata poro tataitahi i roto i te utuafare o Iehova a haapao atoa ˈi ia vai piri noa ratou ia ˈna. Ia tupu te hoê ati e ia fifihia ta Iehova mau mamoe i te pae o te ea, oioi noa ratou i te afai atu i te tauturu pae varua. Mai te peu te hinaaro nei oe i te tauturu, a tapiri atu i te hoê matahiapo o ta oe amuiraa.—Iak 5:14.
A MATAITAI I TE VIDEO TE MAU TIAI MAMOE O TE AUPURU I TE NǍNǍ E A PAHONO I TEIE MAU UIRAA:
Mea nafea to Mariana faufaaraahia i te tauturu a te mau matahiapo?
Mea nafea to Elias faufaaraahia i te tauturu a te mau matahiapo?
Ia outou i mataitai i te video, eaha to outou manaˈo no nia i te ohipa ta te mau matahiapo e rave ra?