A haamau i te fa i te tau Oroa haamanaˈoraa

I te mau matahiti atoa, te tiai ru nei te mau tavini a Iehova i te apiti i te Oroa haamanaˈoraa. I te mau hebedoma hou a haamata ˈi te Oroa haamanaˈoraa e i muri aˈe i te reira, e imi tatou i te mau ravea atoa no te faaite i to tatou mauruuru ia Iehova no te ô faufaa roa o te hoo. (Eph 1:3, 7) Ei hiˈoraa, e tutava tatou i te titau manihini i te taata ia apiti i tera Oroa. E faaoti paha vetahi i te rave i te taviniraa pionie tauturu i te avaˈe Mati aore ra Eperera, no te mea e nehenehe ratou e faataa 30 aore ra 50 hora no te pororaa. E hinaaro anei oe e rave hau atu â i roto i te taviniraa i te tau o te Oroa haamanaˈoraa? Eaha ïa te nehenehe e tauturu ia outou ia na reira?

Ia au i te Bibilia, pinepine te mau opuaraa i te manuïa, ia faaineine-atea-hia te reira. (Mas 21:5) I te mea e fatata te Oroa i te tupu, mea au aˈe ia faaineine maitai ia tatou i teie nei â. A feruri na e nafea outou e nehenehe ai e rave hau atu â i roto i te taviniraa i te roaraa o te Oroa haamanaˈoraa e a feruriruri i nia i te titauhia ia rave ia naeahia ta outou mau fa. I muri iho, a ani ia Iehova ia haamaitai i ta outou mau tutavaraa.—Io1 5:14, 15.

Ua feruri anei outou e nafea outou e nehenehe ai e rave hau atu â i roto i te taviniraa i te roaraa o te tau o te Oroa haamanaˈoraa?